- Ач, тоймам, дейди, тойгъан, ач болмам, дейди.
- Аякъларынгы джууургъанынга кёре узат.
- Телиге акъыл салгъандан эсе, ёлгеннге джан салырса.
- Къарт айтханны этмеген, къартаймаз.
- Джарлы тюеге минсе да, ит къабар.
- Кёкдеги болмаса, джердегин кёрмейди.
- Къанны къан бла джуума, аманны аман бла къуума.
- Акъылсызны джууукъгъа алма, акъыллыны кенгнге салма.
- Байлыкъдан саулукъ ашхыды.
- Ауругъанны сау билмез, ач къарынны токъ билмез.
- Ашхы адам – халкъ байлыгъы, ашхы джер – джашау байлыгъы.
- Кёлю джокъну – джолу джокъ.
- Джумушакъ терекни къурт ашар.
- Эр абынмай, эл танымаз.
- Джюрекге ариу – кёзге да ариу.
- Мухарны эси – ашарыкъда.
- Тилчиден кери бол.
- Бир абыннган – минг сюрюнюр.
- Накъырда – кертини келечиси.
- Джюрек кёзден алгъа кёрюр.
- Джылыгъа джылан илешир.
- Байлыкъ келсе, акъыл кетер.
- Сормай – алма, чакъырылмай – барма.
- Узун джолну барсанг, бюгюн келирсе, къысха джолну барсанг, тамбла келирсе.
- Къолу уллу – асыу, аягъы уллу – джарсыу.
- Джюрекден джюрекге джол барды.
- Къатыны харакетли болса, эри къымсыз болур.
- Тели турса – той бузар.
- Ашхылыкъ джерде джатмайды, аманлыкъ суугъа батмайды.
- Тилсиз миллет джокъ болур.
- Ашлыкъ – бюртюкден, джюн – тюкден.
- Халкъны юйю – туугъан джери.
- Хантына кёре тузу, юйюне кёре къызы.
- Ариу сёз – къылычдан джити.
- Булут кёкге джарашыу, уят бетге джарашыу.
- Эл ауузу – элек, анга ийнаннган – халек.
- Аманны къуугъан, аманлыкъ табар.
- «Ёгюз, джаргъа джууукъ барма, меннге джюк боллукъса», - дегенди эшек.
- Биреуге кёлтюрген таягъынг, кесинги башынга урур.
- Ёксюзню тилеги къабыл болур.
- Игиге айтсанг – билир, аманнга айтсанг – кюлюр.
- Чабакъгъа акъыл, табагъа тюшсе келеди.
- Таякъ этден ётер, тил сюекден ётер.
- Бет бетге къараса, бет да джерге къарар.
- Харам къарнашдан, халал тенг ашхы.
- Душманны тышы – акъ, ичи – къара.
- Эртде тургъан джылкъычыны эркек аты тай табар.
- Нарт сёз – тилни бети.
- Ёгюзню мюйюзлери ауурлукъ этмейдиле.
- Джаз бир кюнню джатсанг, къыш талай кюнню абынырса.
Профиль
|
|
|||