- Таш ата билмеген, башына урур.
- Къуллукъчума, деб махтанма, къуллукъ – хаух джамчыды!
- Акъыллы башны – тили къысха.
- Дууулдаса – бал чибин, къонса – къара чибин.
- Кёлсюзден сёзсюз тууар.
- Эллинг бла джау болсанг да, юйюнг бла джау болма.
- Аджашхан тёгерек айланыр.
- Джарлыны тону джаз битер.
- Эски джаугъа ышанма.
- Aдам боллукъ, сыфатындан белгили.
- Ишлегенде эринме, ишде чолакъ кёрюнме.
- Ётген ёмюр – акъгъан суу.
- Джарлы тюеге минсе да, ит къабар.
- Акъылсызны джууукъгъа алма, акъыллыны кенгнге салма.
- Юйюнгден чыкъдынг – кюнюнгден чыкъдынг.
- Дуния аламаты сен эсенг да, игиме деб айтма.
- Чабакъ башындан чирийди.
- Ашыкъгъанны этеги бутуна чырмалыр.
- Тенгинг джокъ эсе – изле, бар эсе – сакъла!
- Мал тутхан – май джалар.
- Тилчи тилден къаныкъмаз.
- Байлыкъдан саулукъ ашхыды.
- Кюн – узун, ёмюр – къысха.
- Ариу – кёзге, акъыл – джюрекге.
- Эл элде бирер малынг болгъандан эсе, бирер тенгинг болсун.
- Къайтырыкъ эшигинги, къаты уруб чыкъма.
- Тилсиз миллет джокъ болур.
- Аш хазыр болса, иш харам болур.
- Хата – гитчеден.
- Джылар джаш, атасыны сакъалы бла ойнар.
- Экиндини кеч къылсанг, чабыб джетер ашхам.
- Илму – джашауну джолу.
- Ариу сёз джыланны орнундан чыгъарыр.
- Аман киши кеси юйюнде – къонакъ.
- Джангызны оту джарыкъ джанмаз!
- Джауумдан сора, кюн кюйдюрюр, ётюрюкден сора, айыб кюйдюрюр.
- Эшекге миннген – биринчи айыб, андан джыгъылгъан – экинчи айыб.
- Мухарны эси – ашарыкъда.
- Аманны тукъумуна къарама, игини тукъумун сорма.
- Тенгни тенглиги джашай барсанг билинир.
- Сакъламагъан затынга джолукъсанг, не бек къууанаса, не бек ачыйса.
- Ачны эсинде – аш.
- Хунаны тюбюн къазсанг, юсюнге ауар.
- Къарыусузгъа кюлме, онгсузгъа тийме.
- Джюз элде джюз ёгюзюм болгъандан эсе, джюз джууугъум болсун.
- Аманнга игилик этсенг, юйюнге сау бармазса.
- Джаз бир кюнню джатсанг, къыш талай кюнню абынырса.
- Башсыз урчукъ тюзюне айланмаз.
- Къартны сыйын кёрмеген, къартлыгъында сыйлы болмаз.
- Айранны сюйген, ийнек тутар.
Профиль
|
|
|||