- Керти сёзге тёре джокъ.
- Таш бла ургъанны, аш бла ур.
- Чомарт джарлы болмаз.
- Къолу уллу – асыу, аягъы уллу – джарсыу.
- Сёлеш деб шай берген, тохта деб, сом берген.
- Къызгъанчдан ычхыныр, мухардан ычхынмаз.
- Ишге юренсин къоллары, халкъ бла болсун джоллары.
- Илму – джашауну джолу.
- Чакъырылмагъан къонакъ къачан кетерин сормаз.
- Джылкъыдан – ат чыгъар, тукъумдан – джаш чыгъар.
- Акъыл къартда, джашда тюйюлдю – башдады.
- Ач къалгъандан, кеч къалгъан къолай.
- Кесине оноу эте билмеген, халкъына да эте билмез.
- Байны къызы баймакъ болса да, юйде къалмаз!
- Кёл – къызбай, къол – батыр.
- Бойнуму джети джерден кессенг да, мен ол ишни этеллик тюлме.
- Чёбню кёлтюрсенг, тюбюнден сёз чыгъар.
- Ач бёрюге мекям джокъ.
- Башда акъыл болмаса, эки аякъгъа кюч джетер.
- Бозаны арты дауур болур.
- Болджал ишни бёрю ашар.
- Кёзю сокъурдан – къоркъма, кёлю сокъурдан – къоркъ.
- Къайгъы тюбю – тенгиз.
- Окъугъан озар, окъумагъан тозар.
- Тин – байлыгъынг, терен саулугъунг.
- Къонакъ болсанг, ийнакъ бол.
- Аджал соруб келмез, келсе, къайтыб кетмез.
- Чакъырылмай келген къонакъ сыйланмай кетер.
- Тили узунну, намысы – къысха.
- Ханнга да келеди хариблик.
- Тешик этген тынчды, аны джамагъан къыйынды.
- Зар адамны насыбы болмаз.
- Ата – билек, ана – джюрек!
- Иги адам абынса да, джангылмаз.
- Къыйынлы джети элге оноу этер.
- Джырына кёре эжиую.
- Ёлмесенг да, къарт дамы болмазса?
- Битмегеннге сакъал – танг.
- Харам къарнашдан, халал тенг ашхы.
- Тенгинг джокъ эсе – изле, бар эсе – сакъла!
- Ким бла джюрюсенг, аны кёзю бла кёрюнюрсе.
- Шапа кёб болса, аш татымсыз болур.
- Эски джаугъа ышанма.
- Къонагъынгы артмагъын алма да, алгъышын ал.
- Ойнай билмеген, оюн бузар.
- Ана кёлю – балада, бала кёлю – талада.
- Уясында не кёрсе, учханында аны этер.
- Эр абынмай, эл танымаз.
- Тамчы таш тешер.
- Ашхы – джыяр, аман – джояр.
Профиль
|
|
|||