- Сёз – кюмюш, джыр – алтын.
- Къуллукъчума, деб махтанма, къуллукъ – хаух джамчыды!
- Ауругъаннга – кийик саулукъ, джетген къызгъа – чилле джаулукъ.
- Кюл тюбюндеги от кёрюнмейди.
- Джылар джаш, атасыны сакъалы бла ойнар.
- Ана къойну – балагъа джандет.
- Тёзген – тёш ашар!
- Кесинг сынамагъан затны, адамгъа буюрма.
- Къолунгдан къуймакъ ашатсанг да, атаны борчундан къутулмазса.
- Ач уят къоймаз.
- Тулпарлыкъ, билекден тюл – джюрекден.
- Къыз чыгъаргъан – къызыл къымжа.
- Ач къарным, тынч къулагъым.
- Гырджын – тепсини тамадасы.
- Агъач халкъгъа алтынды, иссиликге салкъынды.
- Къанны къан бла джуума, аманны аман бла къуума.
- Юйюнг бла джау болгъандан эсе, элинг бла джау бол.
- Ашхы – джыяр, аман – джояр.
- Ачны эсинде – аш.
- Байны къызы баймакъ болса да, юйде къалмаз!
- Башсыз урчукъ тюзюне айланмаз.
- Сыфатында болмагъаны, суратында болмаз.
- Ачыу алгъа келсе, акъыл артха къалады.
- Ауругъан – джашаудан умутчу.
- Ёлюк кебинсиз къалмаз.
- Айтханы чапыракъдан ётмеген.
- Джылыгъа джылан илешир.
- Чабар ат – джетген къыз.
- Тил джюрекге джол ишлейди.
- Телиге от эт десенг, юйюнге от салыр.
- Халкъгъа джарагъан, джарлы къалмаз.
- Айыбны суу бла джууалмазса.
- Сагъышы джокъ – джукъучу, акъылы джокъ – къаугъачы.
- Алма терегинден кери кетмез.
- Джахил болса анасы, не билликди баласы?
- Кёб джат да, бек чаб.
- Азыгъы аз, алгъа къабар, аты аман, алгъа чабар.
- Намыс болмагъан джерде, насыб болмаз.
- Намыс сатылыб алынмайды.
- Аууз сакълагъан – джан сакълар.
- Экиндини кеч къылсанг, чабыб джетер ашхам.
- Таугъа чыгъаллыкъ эсенг, тюзде къалма.
- Ёлген эшек бёрюден къоркъмайды.
- Ач, тоймам, дейди, тойгъан, ач болмам, дейди.
- Тин – байлыгъынг, терен саулугъунг.
- Адамны артындан къара сабан сюрме.
- Къазанны башы ачыкъ болса, итге уят керекди.
- Адам сёзге тынгыла, акъыл сёзню ангыла.
- Тик ёргени, тик энгишгеси да болады.
- Ачыкъ джюрекге джол – ачыкъ.
Профиль
|
|
|
|||