- Къартха ушагъан джаш – акъыллы, джашха ушагъан къарт – тели.
- Ёлген ийнек сютлю болур.
- Ашлыкъны арба юйге келтирир, чана базаргъа элтир.
- Ачыу алгъа келсе, акъыл артха къалады.
- Къалгъан ишге къар джауар.
- Аууз сакълагъан – джан сакълар.
- Къарнынг бла ёч алма.
- Къарнынг къанлынга кийирир.
- Бичгенде ашыкъма, тикгенде ашыкъ.
- Тил джюрекге джол ишлейди.
- Иши джокъну, сыйы джокъ.
- Уллу къашыкъ эрин джыртар.
- Джыйырма къойну юч джыйырма эбзе кюте эди.
- Джахил болса анасы, не билликди баласы?
- Юйюнг бла джау болгъандан эсе, элинг бла джау бол.
- Къарнынг тойгъунчу аша да, белинг талгъынчы ишле.
- Джолунга кёре – джюрюшюнг, джагъанга кёре – юлюшюнг.
- Адам сёзюнден белгили.
- Тенгни тенглиги джашай барсанг билинир.
- Аманнга да, игиге да оноусуз къатышма.
- Ойнай билмеген, оюн бузар.
- Ана кёлю – балада, бала кёлю – талада.
- Акъыл бла адеб эгизледиле.
- Акъыл неден да кючлюдю.
- Алма терегинден кери кетмез.
- Кёзден кетген, кёлден да кетеди.
- Баш – акъыл ючюн, акъылман – халкъ ючюн.
- Тас болгъан бычакъны сабы – алтын.
- Алим болгъандан эсе, адам болгъан къыйынды.
- Хата – гитчеден.
- Тура эдим джата, къайдан чыкъды хата?
- Ач бёрюге мекям джокъ.
- Зар адамны насыбы болмаз.
- Гугук кесини атын айтыб къычыргъанча, мен, мен деб нек тураса?
- Къобан да къуру да къобханлай турмайды, адам да къуру да патчахлай турмайды.
- Ашлыкъ – бюртюкден, джюн – тюкден.
- Хунаны тюбюн къазсанг, юсюнге ауар.
- Шекер бла туз – бир болмаз, ушамагъан – юй болмаз.
- Тик ёргени, тик энгишгеси да болады.
- Агъач – джерни чырайы, кийим – эрни чырайы.
- Джашлыкъ этмеген, башлыкъ этмез.
- Сагъышы джокъ – джукъучу, акъылы джокъ – къаугъачы.
- Дуния аламаты сен эсенг да, игиме деб айтма.
- Келинин тута билмеген, къул этер, къызын тута билмеген, тул этер.
- Эл тойса, тоймагъан, эл къойса, къоймагъан.
- Юре билмеген ит, къонакъ келтирир.
- Намысы болмагъанны, сыйы болмаз.
- Айранын берсенг, челегин да къызгъанма.
- Къызгъанчдан ычхыныр, мухардан ычхынмаз.
- Игилик игилик бла сингдирилиучю затды.
Профиль
|
|
|||