- Хар зат кесини орнуна иги.
- Босагъа таш юйге кирмей эди, тыбыр таш эшикге чыкъмай эди.
- Адам туугъан джеринде, ит тойгъан джеринде.
- Ариу сёз – джаннга азыкъ, аман сёз – башха къазыкъ.
- Уруну арты – къуру.
- Биреуге аманлыкъ этиб, кесинге игилик табмазса.
- Махтаннган къыз, тойда джукълар.
- Тойгъан джерге джети къайт.
- Булут кёкге джарашыу, уят бетге джарашыу.
- Туз, гырджын аша, тюзлюк бла джаша.
- Ата – баланы уясы.
- Башы джабылгъан челекге, кир тюшмез.
- Халкъны джырын джырласанг, халкъ санга эжиу этер.
- Хар сёзню орну барды.
- Эли джокъну – кёлю джокъ.
- Тамбла алтындан бюгюн багъыр ашхы.
- Игиге айтсанг – билир, аманнга айтсанг – кюлюр.
- Аз сёлешген, къайгъысыз турур.
- Намысы болмагъанны, сыйы болмаз.
- Аджашханны ызындагъы кёреди, джангылгъанны джанындагъы биледи.
- Къозулугъунда тоймагъан, къойлугъунда тоймаз.
- Ёгюзню мюйюзюнден тутадыла, адамны сёзюнден тутадыла.
- Иги адамны бир сёзю эки болмаз.
- Бек анасы джыламаз.
- Джолда аягъынга сакъ бол, ушакъда тилинге сакъ бол.
- Къызбайны юйюне дери сюрсенг, батыр болур.
- Билим ат болуб да чабар, къуш болуб да учар.
- Ата Джуртуму башы болмасам да, босагъасында ташы болайым.
- Къарнынг бла ёч алма.
- Ариу джол аджал келтирмез.
- Къонакъ аман болса, къонакъбай джунчур
- Къыйынлы джети элни къайгъысын этер.
- Бети – къучакълар, джюреги – бычакълар.
- Эки къатын алгъан – эки ташны ортасына башын салгъан.
- Ашхы сёз таш тешер.
- Бек ашыкъгъан меннге джетсин, дегенди аракъы.
- Къарны аманнга къазан такъдырма, къолу аманнга от джакъдырма.
- Акъыллы башны – тили къысха.
- Артына баргъанны, къатына барма.
- Минг тенг да азды, бир джау да кёбдю.
- Башда акъыл болмаса, эки аякъгъа кюч джетер.
- Ариу сёзде ауруу джокъ.
- Джан саулукъ бермей, сан саулукъ бермезсе.
- Ашхы адам – халкъ байлыгъы, ашхы джер – джашау байлыгъы.
- Хантына кёре тузу, юйюне кёре къызы.
- Къонакъны къачан кетерин сорма, къачан келлигин сор.
- Тюзлюк тас болмайды.
- Джети тилни билген джети кишиди.
- Джаш болсун, къыз болсун, акъылы, саны тюз болсун.
- Къарт бла баш аша, джаш бла аякъ аша.
Профиль
|
|
|
|||