- Джерни букъусу кёкге къонмаз.
- Баш болса, бёрк табылыр.
- Этим кетсе да, сюегим къалыр.
- Адам къыйынлыгъын кёлтюрюр, зауукълугъун кёлтюрмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Ач да бол, токъ да бол – намысынга бек бол.
- Тил – миллетни джаны.
- Керилген да, ургъан кибикди.
- Къаллай салам берсенг, аллай джууаб алырса.
- Къазанчы аман болса, къазаны къайнамаз.
- Ариуну – ауруу кёб.
- Джашлыкъ этмеген, башлыкъ этмез.
- Къонагъынгы артмагъын алма да, алгъышын ал.
- Ичимден чыкъды хата, къайры барайым сата?
- Билмейме деген – бир сёз
- Ашыкъгъан cуу, тенгизге джетмез.
- Иги сёз – джаннга азыкъ, аман сёз башха – къазыкъ.
- Джыланны къуйругъундан басарынг келсе, аны башы болгъанын унутма.
- Иги болса, тамадама – махтау, аман болса, меннге – айыб.
- Эркиши – от, тиширыу – суу.
- Байлыкъдан саулукъ ашхыды.
- Джюрекге ариу – кёзге да ариу.
- Сёз къанатсыз учар.
- Таукел тауну аудурур.
- Бети къызарыучу адамны, джюреги харам болмаз.
- Кёбден умут этиб, аздан къуру къалма.
- Асхат ашлыкъ сата, юйдегиси ачдан къата.
- Аманнга да, игиге да оноусуз къатышма.
- Джаз бир кюнню джатсанг, къыш талай кюнню абынырса.
- Къатыны харакетли болса, эри къымсыз болур.
- Босагъагъа джууукъ орун болса, ашыгъыб тёрге озма.
- Тай асырагъан, атха минер.
- Ашаса, ашамаса да, бёрюню ауузу – къан.
- Джарлы эскисин джамаса, къууаныр.
- Джюрекден джюрекге джол барды.
- Тёрде – темир таякълы, къаяда – чыпчыкъ аякълы.
- Уясында не кёрсе, учханында аны этер.
- Акъыл къартда, джашда тюйюлдю – башдады.
- Билим – акъылны чырагъы.
- Акъыллы башны – тили къысха.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёб къычыргъандан – къоркъма, тынч олтургъандан – къоркъ.
- Сакъалы текени да бар, мыйыгъы киштикни да бар.
- Тик ёргени, тик энгишгеси да болады.
- Къоркъакъны кёзю экили кёрюр.
- Джарлыны тону джаз битер.
- Суугъа – таянма, джаугъа – ийнанма.
- Тюзню ётмеги тюзде къалса да, тас болмаз.
- Аджашханны ызындагъы кёреди, джангылгъанны джанындагъы биледи.
- Ашхы болсанг, атынг чыгъар, аман болсанг, джанынг чыгъар.
Профиль
|
|
|
|||