- Къарт бла баш аша, джаш бла аякъ аша.
- Уллу айтханны этмеген – уллаймаз.
- Эринчекге кюн узун.
- Терслик кетер, тюзлюк джетер.
- Къонагъынгы артмагъын алма да, алгъышын ал.
- Аш кетер да бет къалыр.
- Айранын берсенг, челегин да къызгъанма.
- Кесине гебен этелмеген, биреуге черен эте эди.
- Нёгер болсанг, тенг бол, тенг болмасанг, кенг бол.
- Бир абыннган – минг сюрюнюр.
- Джюрекден джюрекге джол барды.
- Чомартха хар кюн да байрамды.
- Накъырданы арты керти болур.
- Эшекге миннген – биринчи айыб, андан джыгъылгъан – экинчи айыб.
- Ашлыкъны арба юйге келтирир, чана базаргъа элтир.
- Кюл тюбюндеги от кёрюнмейди.
- Суу ичген шауданынга тюкюрме.
- Кёб джашагъан – кёб билир.
- Ушамагъан – джукъмаз.
- Байлыкъ тауусулур, билим тауусулмаз.
- Мал кёб болса, джууукъ кёб болур.
- Къозулугъунда тоймагъан, къойлугъунда тоймаз.
- Иесиз малны бёрю ашар.
- Ана – юйню кюн джарыгъы.
- Джаханимни кёрмей, джандетге кёл салмазса.
- Аманнга алтын чыдамаз.
- Иги сеники эсе да, сюйген кесимикин этеме.
- Билими азны – ауузунда кирит.
- Къыз тиширыу кеси юйюнде да къонакъды.
- Байлыкъ адамны сокъур этер.
- Тойгъан джерге джети къайт.
- Билгенни къолу къарны джандырыр.
- Ач уят къоймаз.
- Джарлыны эшигин махтагъан джабар.
- Ышармагъан – кюлмез, кюлмеген – къууанчны билмез.
- Душманны тышы – акъ, ичи – къара.
- Адам сёзюнден белгили.
- Джангыз торгъай джырламаз.
- Халкъны юйю – туугъан джери.
- Ачлыкъда тары гырджын халыуадан татлы.
- Джолда аягъынга сакъ бол, ушакъда тилинге сакъ бол.
- Аякъларынгы джууургъанынга кёре узат.
- Мухарны эси – ашарыкъда.
- Алим болгъандан эсе, адам болгъан къыйынды.
- Бойнуму джети джерден кессенг да, мен ол ишни этеллик тюлме.
- Кёз – сюйген джерде, къол – ауругъан джерде.
- Ач – эснер, ат – кишнер.
- Адам туугъан джеринде, ит тойгъан джеринде.
- Айтылгъан буйрукъ, сёгюлмез
- Билимсиз иш бармаз.
Профиль
|
|
|
|||