- Къонагъы джокъну – шоху джокъ.
- Чомарт джарлы болмаз.
- Ёмюрлюк шохлукъну джел элтмез.
- Ётюрюкден тюбю джокъ, кёлтюрюрге джиби джокъ.
- Харам къарнашдан, халал тенг ашхы.
- Аман къатын алгъан, арыр, иги къатын алгъан джарыр.
- Аманны къуугъан, аманлыкъ табар.
- Рысхысына кёре, джаш ёсер, къышлыгъына кёре, мал ёсер.
- Бал ашаргъа сюе эсенг, чибин ургъаннга тёз.
- Мухар, кеси тойса да, кёзю тоймаз.
- Билгенни къолу къарны джандырыр.
- Джашынгы кесинг юретмесенг, джашау юретир.
- Сууда джау джокъ, кёб сёзде магъана джокъ.
- Къыз чыгъаргъан – къызыл къымжа.
- Айырылмаз джууугъунга, унутмаз сёзню айтма.
- Акъыл бла адеб эгизледиле.
- Джылыгъа джылан илешир.
- Кёбге таш атма.
- Арыгъан къош чамчы болур.
- Адамны бетине къарама, адетине къара.
- От этилмеген джерден тютюн чыкъмайды.
- Сакъалы текени да бар, мыйыгъы киштикни да бар.
- Ишлегенден, къарагъан уста.
- Ёнгкюч къууана барыр, джылай келир.
- Тик ёргени, тик энгишгеси да болады.
- Айран тёгюлсе, джугъусу къалыр.
- Уллу сёзде уят джокъ.
- Джылкъыдан – ат чыгъар, тукъумдан – джаш чыгъар.
- Ата Джуртуму башы болмасам да, босагъасында ташы болайым.
- Юреннген ауруу къалмаз.
- Ата джурт – алтын бешик.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хазыр ашха – терен къашыкъ.
- Ач – эснер, ат – кишнер.
- Чабар ат – джетген къыз.
- Акъыллы башны – тили къысха.
- Бек анасы джыламаз.
- Къарын къуру болса, джюрек уру болур.
- Келинни – келгинчи, бёркню кийгинчи кёр.
- Ата Джуртун танымагъан, атасын да танымаз.
- Мураты болгъанны джюрек тебюую башхады.
- Къартны сыйын кёрмеген, къартлыгъында сыйлы болмаз.
- Адеби болмагъан къыз – тузсуз хант.
- Аякъларынгы джууургъанынга кёре узат.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджал соруб келмез, келсе, къайтыб кетмез.
- Тойну къарнашы – харс, джырны къарнашы – эжиу.
- Телиге от эт десенг, юйюнге от салыр.
- Тойгъан джерден туугъан джер игиди.
- Абынмазлыкъ аякъ джокъ, джангылмазлыкъ джаякъ джокъ.
Профиль
|
|
|
|||