- Ач бёрюге мекям джокъ.
- Ауузу бла къуш тута айланады.
- Акъыл сабырлыкъ берир.
- Къонакъ кёб келюучю юйню, къазаны отдан тюшмез.
- Душманны тышы – акъ, ичи – къара.
- Таугъа чыгъаллыкъ эсенг, тюзде къалма.
- Нарт сёз къарт болмаз.
- Башы ишлегенни, ауузу да ишлер.
- Юй ишлеген балта эшикде къалыр.
- Хоншуну тауугъу къаз кёрюнюр, келини къыз кёрюнюр.
- Ата Джуртуму башы болмасам да, босагъасында ташы болайым.
- Эринчекни эр алмаз, эр алса да, кёл салмаз, кёл салса да, кёб бармаз!
- Иги джашны ышаны – аз сёлешиб, кёб тынгылар.
- Къатын байлыкъны сюер, эр саулукъну сюер.
- Чомартны къолу берекет.
- Ачыкъ джюрекге джол – ачыкъ.
- Ауругъан – джашаудан умутчу.
- Сабыр джетер муратха, сабырсыз къалыр уятха.
- Эртде тургъан джылкъычыны эркек аты тай табар.
- Сёз садакъдан кючлюдю.
- Джырчы ёлсе, джыры къалыр.
- Хазыр ашха – терен къашыкъ.
- Хата – гитчеден.
- Кёз – сюйген джерде, къол – ауругъан джерде.
- Ишлегенде эринме, ишде чолакъ кёрюнме.
- Тилчи бир сагъатха айлыкъ хата этер.
- Мал тутхан – май джалар.
- Дуния аламаты сен эсенг да, игиме деб айтма.
- Къайтырыкъ эшигинги, къаты уруб чыкъма.
- Чомартха Тейри да борчлуду.
- Юйюнгден чыкъдынг – кюнюнгден чыкъдынг.
- Чабакъсыз кёлге къармакъ салгъанлыкъгъа, чабакъ тутмазса.
- Суугъа – чабакъ, къаягъа – ыргъакъ.
- Шайтан алдады, тюзлюк къаргъады.
- Арба аугъандан сора, джол кёргюзтюучю кёб болур.
- Байдан умут эте, джарлыдан ёгюз багъасы къорады.
- Тёрени джагъы джокъ.
- Ёзденликни кёбю ётюрюк.
- Тойгъа барсанг, тоюб бар, эски тонунгу къоюб бар.
- Тели турса – той бузар.
- Кесине гебен этелмеген, биреуге черен эте эди.
- Элде адам къалмаса, ит тахтагъа минер.
- Тил джюрекге джол ишлейди.
- Ашхылыкъ джерде джатмайды, аманлыкъ суугъа батмайды.
- Сютден ауузу кюйген, суугъа юфгюре эди.
- Чёбню кёлтюрсенг, тюбюнден сёз чыгъар.
- Ёмюрлюк шохлукъну джел элтмез.
- Урама да – ёледи, сатама да – келеди.
- Баш болса, бёрк табылыр.
- Таула не мийик болсала да, аууш табылыр.
Профиль
|
|
|||