- Байлыкъ адамны сокъур этер.
- Баланы адам этген анады.
- Келинни – келгинчи, бёркню кийгинчи кёр.
- Джашлыкъ этмеген, башлыкъ этмез.
- Къарт бла баш аша, джаш бла аякъ аша.
- Мен да «сен», дейме, сен да «кесим», дейсе.
- Тамбла алтындан бюгюн багъыр ашхы.
- Ханнга да келеди хариблик.
- Керек ташны ауурлугъу джокъ.
- Тил – миллетни джаны.
- Акъыл неден да кючлюдю.
- Аш хазыр болса, иш харам болур.
- Бети бедерден, намыс сакълама.
- Чабакъсыз кёлге къармакъ салгъанлыкъгъа, чабакъ тутмазса.
- Бал чибинни ургъаны – ачы, балы – татлы.
- Джырына кёре эжиую.
- Адамны аманы адамны бети бла ойнар.
- Ач отунчуну ачыуу – бурнунда.
- Малны кют, джерни тюрт.
- Ауурну тюбю бла, дженгилни башы бла джюрюген.
- Магъанасыз сёз – тауушсуз сыбызгъы.
- Бал ашаргъа сюе эсенг, чибин ургъаннга тёз.
- Артына баргъанны, къатына барма.
- Джашда акъыл джокъ, къартда къарыу джокъ.
- Джарашыу сюйген – джалынчакъ.
- Тешик этген тынчды, аны джамагъан къыйынды.
- Къайгъы тюбю – тенгиз.
- Шайтан алдады, тюзлюк къаргъады.
- Адам къыйынлыгъын кёлтюрюр, зауукълугъун кёлтюрмез.
- Чыбыкълыкъда бюгюлмеген, къазыкълыкъда бюгюлмей эди.
- Хаухну атма, ёнгкючню сатма.
- Мал кёб болса, джууукъ кёб болур.
- Къонакъ аз олтурур, кёб сынар.
- Тойгъан антын унутур.
- Ёлмесенг да, къарт дамы болмазса?
- Джаш къарыу бла кючлю, къарт акъыл бла кючлю.
- Акъыллы – эл иеси, тели – эл баласы.
- Адеб базарда сатылмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Таякъ этден ётер, тил сюекден ётер.
- Байма, деб да, къууанма, джарлыма, деб да, джылама.
- Джуртун къоругъан озар.
- Эшекни не къадар тюйсенг да, ат болмаз.
- Керилген да, ургъан кибикди.
- Кюл тюбюндеги от кёрюнмейди.
- Сёлеш деб шай берген, тохта деб, сом берген.
- Ана къойну – балагъа джандет.
- Джаш болсун, къыз болсун, акъылы, саны тюз болсун.
- Чакъырылмагъан къонакъ – орунсуз.
- Уруну арты – къуру.
Профиль
|
|
|||