- Олтуруб кёрюнмей эди да, ёрге туруб кёрюне эди.
- Борчунг бар эсе, хурджунунга ойлаб узал.
- Накъырданы арты керти болур.
- Бал чибинни ургъаны – ачы, балы – татлы.
- Ауругъанны сау билмез, ач къарынны токъ билмез.
- Уллу къашыкъ эрин джыртар.
- Ата Джуртча джер болмаз, туугъан элча эл болмаз.
- Юре билмеген ит, къонакъ келтирир.
- Кёбге таш атма.
- Кёб къычыргъандан – къоркъма, тынч олтургъандан – къоркъ.
- Тин – байлыгъынг, терен саулугъунг.
- Ауузу бла къуш тута айланады.
- Къуллукъчума, деб махтанма, къуллукъ – хаух джамчыды!
- Адеб базарда сатылмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Ашлыкъ – бюртюкден, джюн – тюкден.
- Кёб джашагъан – кёб билир.
- Рысхысына кёре, джаш ёсер, къышлыгъына кёре, мал ёсер.
- Адеб этмеген, адеб кёрмез.
- Билмегенинги, билгеннге сор.
- Ашхы атаны – джашы ашхы, ашхы ананы – къызы ашхы.
- Кёбден умут этиб, аздан къуру къалма.
- Ариу сёз джыланны орнундан чыгъарыр.
- Эртде тургъан джылкъычыны эркек аты тай табар.
- Чакъырылмагъан къонакъ – орунсуз.
- Башынга джетмегенни сорма.
- Бёрю да ач къалмасын, эчки да ашалмасын.
- Къар – келтирди, суу – элтди.
- Аманнга алтын чыдамаз.
- Къонакъ хазыр болгъанлыкъгъа, къонакъбай хазыр тюлдю.
- Тойчу джашха къарама, къойчу джашха къара.
- Таукел тауну аудурур.
- Сакъалы текени да бар, мыйыгъы киштикни да бар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ауурну тюбю бла, дженгилни башы бла джюрюген.
- Джан саулукъ бермей, сан саулукъ бермезсе.
- Чабакъ башындан чирийди.
- Онгсузну – джакъла, тенгликни – сакъла.
- Тойгъандан сора, ашны сёкме.
- Къарнынг ауруса, ауузунгу тый
- Байлыкъ болгъан джерде, тынчлыкъ джокъду.
- Кесинг сынамагъан затны, адамгъа буюрма.
- Билим ат болуб да чабар, къуш болуб да учар.
- Адам боллукъ, атламындан белгили болур.
- Этни бети бла шорпасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ана – юйню кюн джарыгъы.
- Эм уллу байлыкъ – джан саулукъ.
- Келгинчи, къонакъ уялыр, келгенден сора, къонакъбай уялыр.
- Аджашханны ызындагъы кёреди, джангылгъанны джанындагъы биледи.
Профиль
|
|
|
|||