- Къызын тута билмеген, тул этер, джашын тута билмеген, къул этер.
- Къалгъан ишге къар джауар.
- Къатын къылыкъсыз, эр тынчлыкъсыз.
- Билим – акъылны чырагъы.
- Джумушакъ терекни къурт ашар.
- Сескекли кесин билдирир.
- Атадан ёксюз – бир ёксюз, анадан ёксюз – эки ёксюз.
- Аурууну келиую тынч, кетиую – къыйын.
- Хатерли къул болур.
- Итли къонакъ джарашмаз.
- Тил бла келеди джыр да.
- Ариуну – ауруу кёб.
- Босагъа таш юйге кирмей эди, тыбыр таш эшикге чыкъмай эди.
- Алтыда кюлмеген, алтмышда кюлмез.
- Ишни ахырын ойламай, аллын башлама.
- Тели турса – той бузар.
- Джашда акъыл джокъ, къартда къарыу джокъ.
- Тешигини къатында, чычхан да батыр болур.
- Джахил болса анасы, не билликди баласы?
- Хоншуну тауугъу къаз кёрюнюр, келини къыз кёрюнюр.
- Иги сеники эсе да, сюйген кесимикин этеме.
- Эки къатын алгъанны къулагъы тынгнгаймаз.
- Ариу сёз джыланны орнундан чыгъарыр.
- Ашыкъгъанны этеги бутуна чырмалыр.
- Окъугъан – асыу, окъумагъан – джарсыу.
- Тил – миллетни джаны.
- Чомартха хар кюн да байрамды.
- Чакъырылмагъан къонакъ тёрге атламаз.
- Тойгъа алгъа да барма, тойда артха да къалма.
- Болджал ишни бёрю ашар.
- Эте билген, этген этеди, эте билмеген, юретген этеди!
- Ойнай-ойнай кёз чыгъар.
- Тенги кёбню джау алмаз, акъылы кёбню дау алмаз.
- Тойчу джашха къарама, къойчу джашха къара.
- «Ёгюз, джаргъа джууукъ барма, меннге джюк боллукъса», - дегенди эшек.
- Билмезни кёзю кёрмез, этмезни къулагъы эшитмез.
- Рысхы джалгъанды: келген да этер, кетген да этер.
- Хантына кёре тузу, юйюне кёре къызы.
- Кёзю сокъурдан – къоркъма, кёлю сокъурдан – къоркъ.
- Ёлген аслан – сау чычхан.
- Аман адам этегингден тутса, кес да къач.
- Ач отунчуну ачыуу – бурнунда.
- Ачлыкъда тары гырджын халыуадан татлы.
- Чомартны къолу берекет.
- Къарт айтханны этмеген, къартаймаз.
- Аман киши кеси юйюнде – къонакъ.
- Азыкълы ат арымаз, къатыны аман джарымаз.
- Ышармагъан – кюлмез, кюлмеген – къууанчны билмез.
- Аман хансны – урлугъу кёб.
- Суу кетер, таш къалыр.
Профиль
|
|
|
|||