- Къарт бла баш аша, джаш бла аякъ аша.
- Тай асырагъан, атха минер.
- Айранны сюйген, ийнек тутар.
- Ишлегенде эринме, ишде чолакъ кёрюнме.
- Къыйынлы джети элни къайгъысын этер.
- Аманны тукъумуна къарама, игини тукъумун сорма.
- Кесине гебен этелмеген, биреуге черен эте эди.
- Адам сёзге тынгыла, акъыл сёзню ангыла.
- Ата Джуртун танымагъан, атасын да танымаз.
- Атлыны кёрсе, джаяуну буту талыр.
- Тюзню ётмеги тюзде къалса да, тас болмаз.
- Ашда уялгъан – мухар, ишде уялгъан – хомух.
- Аман адамны тепсинге олтуртсанг, къызынгы тилер.
- Кесине оноу эте билмеген, халкъына да эте билмез.
- Иги адам абынса да, джангылмаз.
- Ётюрюкден тюбю джокъ, кёлтюрюрге джиби джокъ.
- Джогъун бар этген, барын бал этген.
- Бойнуму джети джерден кессенг да, мен ол ишни этеллик тюлме.
- Адам боллукъ, атламындан белгили болур.
- Этни бети бла шорпасы.
- Ат да турмайды бир териде.
- Рысхы – сют юсюнде кёмюк кибикди.
- Сормай – алма, чакъырылмай – барма.
- Тин – байлыгъынг, терен саулугъунг.
- Ётген ёмюр – акъгъан суу.
- Кёбден умут этиб, аздан къуру къалма.
- Ач – эснер, ат – кишнер.
- Къазанны башы ачыкъ болса, итге уят керекди.
- Чакъырылмагъан къонакъ – орунсуз.
- Мухарны эси – ашарыкъда.
- Сёз къанатсыз учар.
- Ауузу бла къуш тута айланады.
- Къанны къан бла джуума, аманны аман бла къуума.
- Башы джабылгъан челекге, кир тюшмез.
- Тёзген – тёш ашар!
- Аллахха ийнаннган кишини, Аллах онгдурур ишин.
- От этилмеген джерден тютюн чыкъмайды.
- Тилсиз миллет джокъ болур.
- Тюкюрюк баш джармаз, налат кёз чыгъармаз!
- Урунуу – насыбны анасы.
- Биреу къой излей, биреу той излей.
- Эки къатын алгъанны къулагъы тынгнгаймаз.
- Аманнга да, игиге да оноусуз къатышма.
- Нёгер болсанг, тенг бол, тенг болмасанг, кенг бол.
- Адеб этмеген, адеб кёрмез.
- Арпа, будай – ащды, алтын, кюмюш а – ташды.
- Ач къарным, тынч къулагъым.
- Тилчиден кери бол.
- Нарт сёз – тилни бети.
- Къолунгдан къуймакъ ашатсанг да, атаны борчундан къутулмазса.
Профиль
|
|
|||