- Хантына кёре тузу, юйюне кёре къызы.
- Ашхы адам – халкъ байлыгъы, ашхы джер – джашау байлыгъы.
- Аманнга алтын чыдамаз.
- Къошда джокъгъа – юлюш джокъ.
- Ушамагъан – джукъмаз.
- Сабыр джетер муратха, сабырсыз къалыр уятха.
- Ата – билек, ана – джюрек!
- Чыбыкълыкъда бюгюлмеген, къазыкълыкъда бюгюлмей эди.
- Эртде тургъан джылкъычыны эркек аты тай табар.
- Ауругъаннга – кийик саулукъ, джетген къызгъа – чилле джаулукъ.
- Биреуню къыйынлыгъы бла кесинге джол ишлеме.
- Байлыкъ болгъан джерде, тынчлыкъ джокъду.
- Кесинг сынамагъан затны, адамгъа буюрма.
- Хоншуну тауугъу къаз кёрюнюр, келини къыз кёрюнюр.
- Ишлегенде эринме, ишде чолакъ кёрюнме.
- Ана къолу ачытмаз.
- Чабар ат – джетген къыз.
- Ач бёрюге мекям джокъ.
- Къозулугъунда тоймагъан, къойлугъунда тоймаз.
- Бал чибинни ургъаны – ачы, балы – татлы.
- Къазанны башы ачыкъ болса, итге уят керекди.
- Ким бла джюрюсенг, аны кёзю бла кёрюнюрсе.
- Баргъанынга кёре болур келгенинг.
- Джашны джигитлиги сорулур, къызны джигерлиги сорулур.
- Билимден уллу байлыкъ джокъду.
- Эллинг бла джау болсанг да, юйюнг бла джау болма.
- Ач отунчуну ачыуу – бурнунда.
- Дженгил джетерикме деб, узун джолну къоюб, къысхасын барма.
- Чакъырылмагъан къонакъ тёрге атламаз.
- Тенги кёбню джау алмаз, акъылы кёбню дау алмаз.
- Биреуге кёлтюрген таягъынг, кесинги башынга урур.
- Ашлыкъ – бюртюкден, джюн – тюкден.
- Кёзню ачылгъаны – иги, ауузну джабылгъаны – иги.
- Ойнай билмеген, оюн бузар.
- Гитче джилтин уллу элни джандырыр.
- Биреу къой излей, биреу той излей.
- Туз, гырджын аша, тюзлюк бла джаша.
- Джаралыны джастыгъында сау ёлюр.
- Бети бедерден, намыс сакълама.
- Аджашхан тёгерек айланыр.
- Сабийни джумушха джибер да, ызындан бар.
- Къатыны харакетли болса, эри къымсыз болур.
- Тойгъан джерден туугъан джер игиди.
- Джылыгъа джылан илешир.
- Ариуну – ауруу кёб.
- Уруну арты – къуру.
- Эшекни не къадар тюйсенг да, ат болмаз.
- Джюрекден джюрекге джол барды.
- Ариу сёзде ауруу джокъ.
- Мен да «сен», дейме, сен да «кесим», дейсе.
Профиль
|
|
|||