- Къайгъыны сюйген, къайгъы табар.
- Кёкдеги болмаса, джердегин кёрмейди.
- Махтаннган къыз, тойда джукълар.
- Тилчиден кери бол.
- Айныгъанлы алты кюн, тогъайгъанлы тогъуз кюн.
- Кёл ашады да, кеси ашады.
- Аман къатын алгъан, арыр, иги къатын алгъан джарыр.
- Аман адам элни бир-бирине джау этер.
- Къызны минг тилер, бир алыр.
- Чакъырылмагъан къонакъ тёрге атламаз.
- Билмегенинги, билгеннге сор.
- Джарлы тюеге минсе да, ит къабар.
- Джангыз торгъай джырламаз.
- Булут кёкге джарашыу, уят бетге джарашыу.
- Тойгъанлыкъ къойгъа джарашады.
- Тамчы таш тешер.
- Абынмазлыкъ аякъ джокъ, джангылмазлыкъ джаякъ джокъ.
- Кёб къычыргъандан – къоркъма, тынч олтургъандан – къоркъ.
- Джашда акъыл джокъ, къартда къарыу джокъ.
- Миллетни бойну – базыкъ, аны бла кюрешген – джазыкъ.
- От кюйдюрген, сау болса да, тот кюйдюрген, сау болмаз.
- Чомартха Тейри да борчлуду.
- Башланнган иш битер, къымылдагъан тиш тюшер.
- Аз сёлешген, къайгъысыз турур.
- Ишни аллы бла къууанма да, арты бла къууан.
- Къууут – джелге, берне – бошха.
- Къартны бурнун сюрт да, оноугъа тут.
- Этим кетсе да, сюегим къалыр.
- Сёз къанатсыз учар.
- Баш – акъыл ючюн, акъылман – халкъ ючюн.
- Джахил болса анасы, не билликди баласы?
- Бети – къучакълар, джюреги – бычакълар.
- Тилде сюек болмаса да, сюек сындырыр.
- Ана къолу ачытмаз.
- Ургъан суудан башынгы сакъла.
- Джарашыу сюйген – джалынчакъ.
- Хар ишни да аллы къыйынды.
- Игиге айтсанг – билир, аманнга айтсанг – кюлюр.
- Сабийликде юретмесенг, уллу болса – тюзелмез.
- Акъыллы башны – тили къысха.
- Мал ёлсе, сюек къалыр, адам ёлсе, иши къалыр.
- Къан бла кирген, джан бла чыгъар.
- Рысхы джалгъанды: келген да этер, кетген да этер.
- Келинин тута билмеген, къул этер, къызын тута билмеген, тул этер.
- Сёлеш деб шай берген, тохта деб, сом берген.
- Эки элинги тыйсанг, джети элде махталырса.
- Азыкълы ат арымаз, къатыны аман джарымаз.
- Ёзденликни кёбю ётюрюк.
- Джюрекге ариу – кёзге да ариу.
- Къарыусузгъа кюлме, онгсузгъа тийме.
Профиль
|
|
|||