- Хата – гитчеден.
- Ашын ашагъанынгы, башын да сыйла.
- Кирсизни – саны таза, халалны – къаны таза.
- Ач бёрюге мекям джокъ.
- Кёзюнде тереги болгъан, чёбю болгъаннга кюле эди.
- Намыс сатылыб алынмайды.
- Гырджын – тепсини тамадасы.
- Сескекли кесин билдирир.
- Эки къатын алгъанны къулагъы тынгнгаймаз.
- Алтыда кюлмеген, алтмышда кюлмез.
- Айранын берсенг, челегин да къызгъанма.
- Сабий болмагъан джерде, мёлек болмаз.
- Ашыкъгъан cуу, тенгизге джетмез.
- Окъ къызбайны джокълайды.
- Тау башында, тау болмаз, джангыз терек, бау болмаз.
- Ач къарынны, токъ билмез
- Адам сёзге тынгыла, акъыл сёзню ангыла.
- Иши джокъну, сыйы джокъ.
- Эски джаугъа ышанма.
- Къуру гыбыт бек дыгъырдар.
- Аджаллыгъа окъсуз шкок атылыр.
- Чакъырылмай келген къонакъ сыйланмай кетер.
- Эри аманны, къатыны – аман.
- Ач – эснер, ат – кишнер.
- Гыдай эчки суугъа къараб, мюйюзле кёрмесе, джашма алкъын, дегенди.
- Джуртун къоругъан озар.
- Къонакъ хазыр болгъанлыкъгъа, къонакъбай хазыр тюлдю.
- Байлыкъ келсе, акъыл кетер.
- Айтылгъан сёз ызына къайтмаз.
- Эл бла кёргенинг эрелей.
- Тюзню ётмеги тюзде къалса да, тас болмаз.
- Ачылгъан эт джабылыр, кёрген кёз унутмаз.
- Нарт сёз – тилни бети.
- Сормай – алма, чакъырылмай – барма.
- Ат басханны джер билед.
- Чалманны аллы къалай башланса, арты да алай барады.
- Агъач – джерни чырайы, кийим – эрни чырайы.
- Гитче джилтин уллу элни джандырыр.
- Аш берме да, къаш бер.
- Танг атмайма десе да, кюн къоярыкъ тюйюлдю.
- Байлыкъдан саулукъ ашхыды.
- Джети тилни билген джети кишиди.
- Къатын къылыкъсыз, эр тынчлыкъсыз.
- Ариу сёзде ауруу джокъ.
- Дженгил джетерикме деб, узун джолну къоюб, къысхасын барма.
- Зарда марда джокъ.
- Накъырда – кертини келечиси.
- Джарлыны эшигин махтагъан джабар.
- Ач келгенни – тойдур, кеч келгенни – къондур.
- Татлы сёз – балдан татлы.
Профиль
|
|
|
|||