- Ёмюрлюк шохлукъну джел элтмез.
- Къарыусузгъа кюлме, онгсузгъа тийме.
- Юре билмеген ит, къонакъ келтирир.
- Элге къуллукъ этмеген, элге ие болмаз.
- Кёлсюзден сёзсюз тууар.
- Джашда акъыл джокъ, къартда къарыу джокъ.
- Ёксюзню тилеги къабыл болур.
- Ёлмесенг да, къарт дамы болмазса?
- Къозулугъунда тоймагъан, къойлугъунда тоймаз.
- Баш болса, бёрк табылыр.
- Намыс болмагъан джерде, насыб болмаз.
- Адеб базарда сатылмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айтхан – тынч, этген – къыйын.
- Джаралыны джастыгъында сау ёлюр.
- Джангыз терек къынгыр ёсер.
- Джарлыны эшигин махтагъан джабар.
- Тюкюрюк баш джармаз, налат кёз чыгъармаз!
- Босагъагъа джууукъ орун болса, ашыгъыб тёрге озма.
- Джиби бир къат джетмей эди да, эки къат тарта эди.
- Адамны аманы адамны бети бла ойнар.
- Ким бла джюрюсенг, аны кёзю бла кёрюнюрсе.
- Таякъ этден ётер, тил сюекден ётер.
- Аманны эки битли тону болур, бирин сеннге кийдирир, бирин кеси киер.
- Эркишини аманы тиширыуну джылатыр.
- Огъурлуну сёзю – суу, огъурсузну сёзю – уу.
- Аманнга игилик этсенг, юйюнге сау бармазса.
- Кийим тукъум сордурур.
- Окъдан джара эртде-кеч болса да бителир, сёз джара, ёмюрге къалыр.
- Акъыллы башны – тили къысха.
- Уллу атлама – абынырса, уллу къабма – къарылырса.
- Къонагъы джокъну – шоху джокъ.
- Рысхы – насыбха къор.
- Къызны минг тилер, бир алыр.
- Къоркъакъны кёзю экили кёрюр.
- Ёлген ийнек сютлю болур.
- Накъырда – кертини келечиси.
- Кёпюр салгъан кеси ётер, уру къазгъан кеси кетер.
- Бек анасы джыламаз.
- Чёбню кёлтюрсенг, тюбюнден сёз чыгъар.
- Ариу сёз джыланны орнундан чыгъарыр.
- Арбаз къынгырды да, ийнек сауалмайма.
- Кёб джат да, бек чаб.
- Кесине оноу эте билмеген, халкъына да эте билмез.
- Аманнга да, игиге да оноусуз къатышма.
- Гугурук къычырмаса да, тангны атары къалмаз.
- Бир онгсуз адам адет чыгъарды, деб эштирик тюлсе.
- Эри аманны, къатыны – аман.
- Ачны эсинде – аш.
- Оюмсуз атлагъан, аджалсыз ёлюр.
Профиль
|
|
|||