- Мени джылытмагъан кюн, меннге тиймесин!
- Окъугъан – асыу, окъумагъан – джарсыу.
- Дуния мал дунияда къалады.
- Келинни – келгинчи, бёркню кийгинчи кёр.
- Къалгъан ишге къар джауар.
- Ата – баланы уясы.
- Ачлыкъ отха секиртир.
- Эски джаугъа ышанма.
- Байма, деб да, къууанма, джарлыма, деб да, джылама.
- Акъыл къартда, джашда тюйюлдю – башдады.
- Ач отунчуну ачыуу – бурнунда.
- Юй кюйдю да, кюйюз чыкъды, ортасындан тюйюш чыкъды.
- Ашыкъгъанны этеги бутуна чырмалыр.
- Бозаны арты дауур болур.
- Сормай – алма, чакъырылмай – барма.
- Къартны бурнун сюрт да, оноугъа тут.
- Алма терегинден кери кетмез.
- Ашхы – джыяр, аман – джояр.
- Джан саулукъ бермей, сан саулукъ бермезсе.
- Ачны эсинде – аш.
- Къонагъы джокъну – шоху джокъ.
- Акъыл сабырлыкъ берир.
- Джиби бир къат джетмей эди да, эки къат тарта эди.
- Акъыл аздырмаз, билим тоздурмаз.
- Урама да – ёледи, сатама да – келеди.
- Тамырсыз терекге таянма – джыгъылырса.
- Аш иеси бла татлыды.
- Таукел тауну аудурур.
- Окъугъан озар, окъумагъан тозар.
- Ана къойну – балагъа джандет.
- Къызны минг тилер, бир алыр.
- Келлик заман – къартлыкъ келтирир, кетген заман – джашлыкъ ёлтюрюр.
- Таякъ этден ётер, тил сюекден ётер.
- Джашда акъыл джокъ, къартда къарыу джокъ.
- Аман къатын сабий табса, бий болур…
- Халкъны юйю – туугъан джери.
- Къазанда болса, чолпугъа чыгъар.
- Айырылгъанланы айю ашар, бёлюннгенлени бёрю ашар.
- Кесине гебен этелмеген, биреуге черен эте эди.
- Джангыз терек къынгыр ёсер.
- Шапа кёб болса, аш татымсыз болур.
- Айтхан – тынч, этген – къыйын.
- Ётюрюкден тюбю джокъ, кёлтюрюрге джиби джокъ.
- Окъуу – билимни ачхычы, окъуу – дунияны бачхычы.
- Ёлмесенг да, къарт дамы болмазса?
- Тилсиз миллет джокъ болур.
- Кюлме джашха – келир башха.
- Ана къолу ачытмаз.
- Чёбню кёлтюрсенг, тюбюнден сёз чыгъар.
- Тойну къарнашы – харс, джырны къарнашы – эжиу.
Профиль
|
|
|
|||