- Эрни эр этерик да, къара джер этерик да, тиширыуду.
- Тешик этген тынчды, аны джамагъан къыйынды.
- Билим къая тешер.
- Къралынгы – душмандан, башынгы от бла суудан сакъла.
- «Ма», - дегенни билмесенг, «бер», - дегенни билмезсе.
- Джол бла сёзню къыйыры джокъ.
- Акъыллы эркиши атын махтар, акъылсыз эркиши къатынын махтар.
- Окъугъанны бети джарыкъ.
- Билимсиз иш бармаз.
- Хар зат кесини орнуна иги.
- Ёгюзню мюйюзлери ауурлукъ этмейдиле.
- Джаш болсун, къыз болсун, акъылы, саны тюз болсун.
- Ач да бол, токъ да бол – намысынга бек бол.
- Ишни ахырын ойламай, аллын башлама.
- Ашына кёре табагъы, балына кёре къалагъы.
- Кёзден кетген, кёлден да кетеди.
- Эркишиге тары кебек танг кёрюнюр.
- Намысы болмагъанны, сыйы болмаз.
- Бойнуму джети джерден кессенг да, мен ол ишни этеллик тюлме.
- Тынгылагъан тынгы бузар.
- Сагъыш – къартлыкъгъа сюйюмчю.
- Ашлыкъны арба юйге келтирир, чана базаргъа элтир.
- Уллу айтханны этмеген – уллаймаз.
- Урама да – ёледи, сатама да – келеди.
- Башланнган иш битер, къымылдагъан тиш тюшер.
- Къулакъдан эсе, кёзге ышан.
- Чабакъ башындан чирийди.
- Сыфатында болмагъаны, суратында болмаз.
- Сагъышы джокъ – джукъучу, акъылы джокъ – къаугъачы.
- Аджаллыгъа окъсуз шкок атылыр.
- Джюрек кёзден алгъа кёрюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Баргъанынга кёре болур келгенинг.
- Айранын берсенг, челегин да къызгъанма.
- Аллахдан тилесенг, кёб тиле.
- Иши джокъну, сыйы джокъ.
- Таукел адам тау тешер.
- Джаз бир кюнню джатсанг, къыш талай кюнню абынырса.
- Танг атмайма десе да, кюн къоярыкъ тюйюлдю.
- Ойнай билмеген, оюн бузар.
- Бозаны арты дауур болур.
- Аз сёлеш, кёб ишле.
- Иесиз малны бёрю ашар.
- Къыз келсе, джумуш эте келеди, къатын келсе, ушакъ эте келеди.
- Аман адамны тепсинге олтуртсанг, къызынгы тилер.
- Кёб джат да, бек чаб.
- Къартха ушагъан джаш – акъыллы, джашха ушагъан къарт – тели.
- Аман къатын алгъан, арыр, иги къатын алгъан джарыр.
- Ётюрюк хапар аякъ тюбю бла джюрюйдю.
- Тёрдеги кюлсе, эшикдеги ышарыр.
Профиль
|
|
|||