- Тин – байлыгъынг, терен саулугъунг.
- Билеги кючлю, бирни джыгъар, билими кючлю, мингни джыгъар.
- Кёзню ачылгъаны – иги, ауузну джабылгъаны – иги.
- Шайтан алдады, тюзлюк къаргъады.
- Джумушакъ сёз къаты таякъны сындырыр.
- Мухарны эси – ашарыкъда.
- Эки къатын алгъан – эки ташны ортасына башын салгъан.
- Аман къатын сабий табса, бий болур…
- Джангызны оту джарыкъ джанмаз!
- Билген билмегенни юретген адетди.
- Кюлме джашха – келир башха.
- Чомарт къолда мал къалмаз.
- Къартны сыйын кёрмеген, къартлыгъында сыйлы болмаз.
- Насыблы элин сюер, насыбсыз кесин сюер.
- Арбаз сайлама да, хоншу сайла.
- Кирсизни – саны таза, халалны – къаны таза.
- Этим кетсе да, сюегим къалыр.
- Джарлыны тону джаз битер.
- Къонакъ аман болса, къонакъбай джунчур
- Гугук кесини атын айтыб къычыргъанча, мен, мен деб нек тураса?
- Гитче джилтин уллу элни джандырыр.
- Тойгъан антын унутур.
- Адам сёзге тынгыла, акъыл сёзню ангыла.
- Ишни ахырын ойламай, аллын башлама.
- Таукел тауну аудурур.
- Бети къызарыучу адамны, джюреги харам болмаз.
- Атынг аманнга чыкъгъандан эсе, джанынг тамагъынгдан чыкъсын.
- Иесиз малны бёрю ашар.
- Ачылгъан эт джабылыр, кёрген кёз унутмаз.
- Къызын тута билмеген, тул этер, джашын тута билмеген, къул этер.
- Къарнынг ауруса, ауузунгу тый
- Къар – келтирди, суу – элтди.
- Сибиртки да сыйлы болду, кюрек да кюнлю болду.
- Байны къызы баймакъ болса да, юйде къалмаз!
- Ана къолу ачытмаз.
- Хата – гитчеден.
- Кёзюнде тереги болгъан, чёбю болгъаннга кюле эди.
- Юреннген ауруу къалмаз.
- Мен да «сен», дейме, сен да «кесим», дейсе.
- Мухар, кеси тойса да, кёзю тоймаз.
- Рысхысына кёре, джаш ёсер, къышлыгъына кёре, мал ёсер.
- Къарын къуру болса, джюрек уру болур.
- Бал ашаргъа сюе эсенг, чибин ургъаннга тёз.
- Эллинг бла джау болсанг да, юйюнг бла джау болма.
- Ач отунчуну ачыуу – бурнунда.
- Тилчи бир сагъатха айлыкъ хата этер.
- Къонагъы джокъну – шоху джокъ.
- Джолунга кёре – джюрюшюнг, джагъанга кёре – юлюшюнг.
- Ойнаб айтсанг да, эслеб айт.
- Сангырау къулакъ эл бузар.
Профиль
|
|
|
|||