- Босагъа таш юйге кирмей эди, тыбыр таш эшикге чыкъмай эди.
- Къарт айтханны этмеген, къартаймаз.
- Ханнга да келеди хариблик.
- Ишни аллы бла къууанма да, арты бла къууан.
- Адамны адамлыгъы къыйынлыкъда айгъакъланады.
- Ата – баланы уясы.
- Гугук кесини атын айтыб къычыргъанча, мен, мен деб нек тураса?
- Терслик кетер, тюзлюк джетер.
- Борчунг бар эсе, хурджунунга ойлаб узал.
- Хар сёзню орну барды.
- Окъуу – билимни ачхычы, окъуу – дунияны бачхычы.
- Эм ашхы къайын ана мамукъ бла башынгы тешер.
- Мухарны эси – ашарыкъда.
- Уллу атлама – абынырса, уллу къабма – къарылырса.
- Тойну къарнашы – харс, джырны къарнашы – эжиу.
- Арбаз къынгырды да, ийнек сауалмайма.
- Тёгюлген тюгел джыйылмайды.
- Ашхы тенг джолгъа салыр, аман тенг джолдан тайдырыр.
- Бал чибинни ургъаны – ачы, балы – татлы.
- Аман эсирсе, юйюн ояр.
- Накъырда – кертини келечиси.
- Экиндини кеч къылсанг, чабыб джетер ашхам.
- Ашхы сёз таш тешер.
- Кюн кёрмеген, кюн кёрсе, кюндюз чыракъ джандырыр.
- Кёзден кетген, кёлден да кетеди.
- Ышармагъан – кюлмез, кюлмеген – къууанчны билмез.
- Къолунгдан къуймакъ ашатсанг да, атаны борчундан къутулмазса.
- Къатын къылыкъсыз, эр тынчлыкъсыз.
- Аман киши кеси юйюнде – къонакъ.
- Ашхылыкъ джерде джатмайды, аманлыкъ суугъа батмайды.
- Этим кетсе да, сюегим къалыр.
- Келинни – келгинчи, бёркню кийгинчи кёр.
- Ач келгенни – тойдур, кеч келгенни – къондур.
- Юй ишлеген балта эшикде къалыр.
- Иги сёз – джаннга азыкъ, аман сёз башха – къазыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Эшекни не къадар тюйсенг да, ат болмаз.
- Аш иеси бла татлыды.
- Къызбайны юйюне дери сюрсенг, батыр болур.
- Чакъырылмагъан къонакъ къачан кетерин сормаз.
- Кийимни бир кюнню аясанг, минг кюннге джарар.
- Джарашыу сюйген – джалынчакъ.
- Кёб ант этген, кёб ётюрюк айтыр.
- Атынг аманнга чыкъгъандан эсе, джанынг тамагъынгдан чыкъсын.
- Юй кюйдю да, кюйюз чыкъды, ортасындан тюйюш чыкъды.
- Акъыл бла адеб эгизледиле.
- Къызгъанчдан ычхыныр, мухардан ычхынмаз.
- Джашынгы кесинг юретмесенг, джашау юретир.
- Тюз сёз баргъан сууну тыяр.
- Эшекге миннген – биринчи айыб, андан джыгъылгъан – экинчи айыб.
Профиль
|
Temirlan B
 Эльбрусоид
Баллов: 0
Регистрация: 24.06.2012
Последний визит: 24.06.2012 03:27:27
|
|
||||||
|
|
|
||||||