- Къартны бурнун сюрт да, оноугъа тут.
- Джогъун бар этген, барын бал этген.
- Татлы сёз – балдан татлы.
- Къан бла кирген, джан бла чыгъар.
- Ата Джуртуму башы болмасам да, босагъасында ташы болайым.
- Кечеси – аяз, кюню – къыш, джарлы къаргъагъа бир аш тюш!
- Телиге от эт десенг, юйюнге от салыр.
- Тамчы таш тешер.
- Окъуу – билимни ачхычы, окъуу – дунияны бачхычы.
- Ашхы тенг джолгъа салыр, аман тенг джолдан тайдырыр.
- Джашлыкъ этмеген, башлыкъ этмез.
- Тюз сёз баргъан сууну тыяр.
- Ариу сёз джыланны орнундан чыгъарыр.
- Этим кетсе да, сюегим къалыр.
- Аманнга алтын чыдамаз.
- Эки итни арасына сюек атма, эки адамны арасында сёз чыгъарма.
- Хазыр ашха – терен къашыкъ.
- Ашына кёре табагъы, балына кёре къалагъы.
- Эллинг бла джау болсанг да, юйюнг бла джау болма.
- Кесине оноу эте билмеген, халкъына да эте билмез.
- Билим ат болуб да чабар, къуш болуб да учар.
- Джыгъылгъанны сырты джерден тоймаз.
- Урунуу – насыбны анасы.
- Таякъ этден ётер, тил сюекден ётер.
- Кёз – сюйген джерде, къол – ауругъан джерде.
- Къулакъдан эсе, кёзге ышан.
- Къарны аманнга къазан такъдырма, къолу аманнга от джакъдырма.
- Къарт бла баш аша, джаш бла аякъ аша.
- Арба аугъандан сора, джол кёргюзтюучю кёб болур.
- Ашха уста, юйюнде болсун
- Баланы адам этген анады.
- Аманнга да, игиге да оноусуз къатышма.
- Сескекли кесин билдирир.
- Къарнынг ауруса, ауузунгу тый
- Гугук кесини атын айтыб къычыргъанча, мен, мен деб нек тураса?
- Къар – келтирди, суу – элтди.
- Эри аманны, къатыны – аман.
- Хар ишни да аллы къыйынды.
- Чакъырылмагъан къонакъ – орунсуз.
- Иги болса, тамадама – махтау, аман болса, меннге – айыб.
- Адамны сабийин сюйген джюреги, бычакъча, джитиди.
- Татлы тилде – сёз ариу, чемер къолда – иш ариу.
- Атадан ёксюз – бир ёксюз, анадан ёксюз – эки ёксюз.
- Келлик заман – къартлыкъ келтирир, кетген заман – джашлыкъ ёлтюрюр.
- Аз айтсам, кёб ангылагъыз.
- Акъыл бла адеб эгизледиле.
- Ишге юренсин къоллары, халкъ бла болсун джоллары.
- Къарын къуру болса, джюрек уру болур.
- Олтуруб кёрюнмей эди да, ёрге туруб кёрюне эди.
- Керек ташны ауурлугъу джокъ.
Профиль
|
|
|||