- Джол бла сёзню къыйыры джокъ.
- Кёзюнде тереги болгъан, чёбю болгъаннга кюле эди.
- Адебсиз адам – джюгенсиз ат.
- Гыдай эчки суугъа къараб, мюйюзле кёрмесе, джашма алкъын, дегенди.
- Бетинги сатма, малынгы сат.
- Аджал соруб келмез, келсе, къайтыб кетмез.
- Джогъун бар этген, барын бал этген.
- Зар адам ашынгы ашар, кесинги сатар.
- Джигер – джаннга къыйынлыкъ.
- Джангыз торгъай джырламаз.
- Кесине оноу эте билмеген, халкъына да эте билмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомарт къонакъ юй иесин сыйлар.
- Аджаллыгъа окъсуз шкок атылыр.
- Бет бетге къараса, бет да джерге къарар.
- Ачыу алгъа келсе, акъыл артха къалады.
- Джаш болсун, къыз болсун, акъылы, саны тюз болсун.
- Шекер бла туз – бир болмаз, ушамагъан – юй болмаз.
- Болджал ишни бёрю ашар.
- Къыйынлы джети элге оноу этер.
- Илму – джашауну джолу.
- Джаш къарыу бла кючлю, къарт акъыл бла кючлю.
- Сабий болмагъан джерде, мёлек болмаз.
- Эки итни арасына сюек атма, эки адамны арасында сёз чыгъарма.
- Джахил болса анасы, не билликди баласы?
- Арба аугъандан сора, джол кёргюзтюучю кёб болур.
- Ашаса, ашамаса да, бёрюню ауузу – къан.
- Ётюрюк хапар аякъ тюбю бла джюрюйдю.
- Байма, деб да, къууанма, джарлыма, деб да, джылама.
- Алма терегинден кери кетмез.
- Сёз садакъдан кючлюдю.
- Джаханимни кёрмей, джандетге кёл салмазса.
- Джырына кёре эжиую.
- Айтхан – тынч, этген – къыйын.
- Ауругъанны сау билмез, ач къарынны токъ билмез.
- Ана кёлю – балада, бала кёлю – талада.
- Билими азны – ауузунда кирит.
- Ата – баланы уясы.
- Чоюнну башы ачыкъ болса, итге уят керекди.
- Байдан умут эте, джарлыдан ёгюз багъасы къорады.
- Чарсда алчыны эл кёреди.
- Билмегенинги, билгеннге сор.
- Билим – акъылны чырагъы.
- Юй кюйдю да, кюйюз чыкъды, ортасындан тюйюш чыкъды.
- Мен да «сен», дейме, сен да «кесим», дейсе.
- Нёгерсизни джолу узун.
- Ашлыкъны арба юйге келтирир, чана базаргъа элтир.
- Кёбню кёрген – кёб билир.
- Алтыда кюлмеген, алтмышда кюлмез.
- Тёрдеги кюлсе, эшикдеги ышарыр.
Профиль
|
|
|||