- Хазыр ашха – терен къашыкъ.
- Эрни эр этерик да, къара джер этерик да, тиширыуду.
- Айтхан – тынч, этген – къыйын.
- Сёз къанатсыз учар.
- Кёл ашады да, кеси ашады.
- Ач келгенни – тойдур, кеч келгенни – къондур.
- Джырчы джырчыгъа – къарнаш.
- Кечеси – аяз, кюню – къыш, джарлы къаргъагъа бир аш тюш!
- Эркишиге тары кебек танг кёрюнюр.
- Ишни аллы бла къууанма да, арты бла къууан.
- Окъуу – билимни ачхычы, окъуу – дунияны бачхычы.
- Ёлюк кебинсиз къалмаз.
- Аман къатын сабий табса, бий болур…
- Ойнай билмеген, уруб къачар.
- Кёб джат да, бек чаб.
- Нёгер болсанг, тенг бол, тенг болмасанг, кенг бол.
- Адеб этмеген, адеб кёрмез.
- Башланнган иш битер, къымылдагъан тиш тюшер.
- Кёзню ачылгъаны – иги, ауузну джабылгъаны – иги.
- Ач, тоймам, дейди, тойгъан, ач болмам, дейди.
- «Ёгюз, джаргъа джууукъ барма, меннге джюк боллукъса», - дегенди эшек.
- Акъылсызны джууукъгъа алма, акъыллыны кенгнге салма.
- Тил – миллетни джаны.
- Эри аманны, къатыны – аман.
- Махтаннган къыз, тойда джукълар.
- Кёл – къызбай, къол – батыр.
- Тилсиз миллет джокъ болур.
- Орундукъ тюбюнде атылсам да, орта джиликме, де да айлан.
- Суу да къайтады чыкъгъан джерине.
- Ишлерге уял да, ашаргъа табма.
- Джарлыны тону джаз битер.
- Эрине къаргъыш этген къатын, эрнин къабар.
- Акъыл къартда, джашда тюйюлдю – башдады.
- Дуния аламаты сен эсенг да, игиме деб айтма.
- Къарт бла баш аша, джаш бла аякъ аша.
- Сакъ юйюне сау барыр.
- Тыш элде солтан болгъандан эсе, кесинги элде олтан болгъан игиди!
- Кёкдеги болмаса, джердегин кёрмейди.
- Адам туугъан джеринде, ит тойгъан джеринде.
- Тешик этген тынчды, аны джамагъан къыйынды.
- Ишленмеклик адамлыкъды.
- Окъугъан озар, окъумагъан тозар.
- Узун джолну барсанг, бюгюн келирсе, къысха джолну барсанг, тамбла келирсе.
- Илму – джашауну джолу.
- Аман адам этегингден тутса, кес да къач.
- Намысы джокъну – дуниясы джокъ.
- Кёзюнде тереги болгъан, чёбю болгъаннга кюле эди.
- Бойнуму джети джерден кессенг да, мен ол ишни этеллик тюлме.
- Ёлген аслан – сау чычхан.
- Таш ата билмеген, башына урур.
Профиль
|
|
|||