- Aдам боллукъ, сыфатындан белгили.
- Окъуусуз билим – джокъ, билимсиз кюнюнг – джокъ.
- Къозулугъунда тоймагъан, къойлугъунда тоймаз.
- Кёбден умут этиб, аздан къуру къалма.
- Хатерли къул болур.
- Атлыны кёрсе, джаяуну буту талыр.
- Кюн – узун, ёмюр – къысха.
- Тили узунну, намысы – къысха.
- Атадан ёксюз – бир ёксюз, анадан ёксюз – эки ёксюз.
- Ишни аллы бла къууанма да, арты бла къууан.
- Таугъа чыгъаллыкъ эсенг, тюзде къалма.
- Окъдан джара эртде-кеч болса да бителир, сёз джара, ёмюрге къалыр.
- Тура эдим джата, къайдан чыкъды хата?
- Ач – эснер, ат – кишнер.
- Къолунгдан къуймакъ ашатсанг да, атаны борчундан къутулмазса.
- Чабакъсыз кёлге къармакъ салгъанлыкъгъа, чабакъ тутмазса.
- Тойгъан джерден туугъан джер игиди.
- Мухар, кеси тойса да, кёзю тоймаз.
- Сёз къанатсыз учар.
- «Ёгюз, джаргъа джууукъ барма, меннге джюк боллукъса», - дегенди эшек.
- Акъыл аздырмаз, билим тоздурмаз.
- Телиге от эт десенг, юйюнге от салыр.
- Бетинги сатма, малынгы сат.
- Чомарт бергенин айтмаз.
- Эл элде бирер малынг болгъандан эсе, бирер тенгинг болсун.
- Юйлю уругъа ит чабмаз.
- Арыгъан къош чамчы болур.
- Ашхы атаны – джашы ашхы, ашхы ананы – къызы ашхы.
- Байлыкъдан саулукъ ашхыды.
- Байлыкъ тауусулур, билим тауусулмаз.
- Байдан умут эте, джарлыдан ёгюз багъасы къорады.
- Ишлегенде эринме, ишде чолакъ кёрюнме.
- Биреуге аманлыкъны тилеме да, кесинге ашхылыкъны тиле.
- Шапа кёб болса, аш татымсыз болур.
- Окъугъан – асыу, окъумагъан – джарсыу.
- Кесинг сынамагъан затны, адамгъа буюрма.
- Ашаса, ашамаса да, бёрюню ауузу – къан.
- Дуния малгъа сатылма, кесингден телиге къатылма.
- Аман къатын алгъан, арыр, иги къатын алгъан джарыр.
- Аман адам этегингден тутса, кес да къач.
- Олтуруб кёрюнмей эди да, ёрге туруб кёрюне эди.
- Байлыкъ келсе, акъыл кетер.
- Ачлыкъда тары гырджын халыуадан татлы.
- Тилчиден кери бол.
- Башланнган иш битер, къымылдагъан тиш тюшер.
- Орну джокъну – сыйы джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Джырчы ёлсе, джыры къалыр.
- Нарт сёз – тилни бети.
- Булут кёкге джарашыу, уят бетге джарашыу.
Профиль
|
|
|
|||