- Гыдай эчки суугъа къараб, мюйюзле кёрмесе, джашма алкъын, дегенди.
- Татлы тилде – сёз ариу, чемер къолда – иш ариу.
- Тура эдим джата, къайдан чыкъды хата?
- Ач къарным, тынч къулагъым.
- Билмейме деген – бир сёз
- Окъумагъан сокъурду, сокъур ташха абыныр!
- Эринчекни аурууу – кёб.
- Айранын берсенг, челегин да къызгъанма.
- Иги джашны ышаны – аз сёлешиб, кёб тынгылар.
- Душманны тышы – акъ, ичи – къара.
- Чакъырылмай келген къонакъ сыйланмай кетер.
- Тилчи бир сагъатха айлыкъ хата этер.
- Къартха ушагъан джаш – акъыллы, джашха ушагъан къарт – тели.
- Адамны аты башхача, акъылы да башхады.
- Эл элде бирер малынг болгъандан эсе, бирер тенгинг болсун.
- Сёз къанатсыз учар.
- Арыгъан къош чамчы болур.
- Кёзден кетген, кёлден да кетеди.
- Ашлыкъ – бюртюкден, джюн – тюкден.
- Айран тёгюлсе, джугъусу къалыр.
- Ётген ёмюр – акъгъан суу.
- Намыс болмагъан джерде, насыб болмаз.
- Ичимден чыкъды хата, къайры барайым сата?
- Тил джюрекге джол ишлейди.
- Аякъларынгы джууургъанынга кёре узат.
- Ачыкъ джюрекге джол – ачыкъ.
- Хантына кёре тузу, юйюне кёре къызы.
- Кюн кёрмеген, кюн кёрсе, кюндюз чыракъ джандырыр.
- Тёрдеги кюлсе, эшикдеги ышарыр.
- Аш хазыр болса, иш харам болур.
- Азыгъы аз, алгъа къабар, аты аман, алгъа чабар.
- Хатерли къул болур.
- Дуния малгъа сатылма, кесингден телиге къатылма.
- Адеби болмагъан къыз – тузсуз хант.
- Кийимни бичсенг, кенг бич, тар этген къыйын тюлдю.
- Адамны сыфатына къарама, сёзюне къара.
- Билими азны – ауузунда кирит.
- Къонакъ аз олтурур, кёб сынар.
- Эринчекге кюн узун.
- Сабыр джетер муратха, сабырсыз къалыр уятха.
- Ургъан суудан башынгы сакъла.
- Ачлыкъда тары гырджын халыуадан татлы.
- Хаухну атма, ёнгкючню сатма.
- Эки ойлашыб, бир сёлешген.
- Бал – татлы, балдан да бала – татлы.
- Эте билген, этген этеди, эте билмеген, юретген этеди!
- Джюрекден джюрекге джол барды.
- Ана – юйню кюн джарыгъы.
- Ашыкъгъан cуу, тенгизге джетмез.
- Кесине гебен этелмеген, биреуге черен эте эди.
Профиль
|
|
|
|||