- Элде адам къалмаса, ит тахтагъа минер.
- Джашда акъыл джокъ, къартда къарыу джокъ.
- Ётюрюкчюню шагъаты – къатында.
- Чакъырылмагъан джерге барма, чакъырылгъан джерден къалма.
- Къыз келсе, джумуш эте келеди, къатын келсе, ушакъ эте келеди.
- Уллу къашыкъ эрин джыртар.
- Ашхылыкъ джерде джатмайды, аманлыкъ суугъа батмайды.
- Къайгъыны сюйген, къайгъы табар.
- Къар – келтирди, суу – элтди.
- Къазанда болса, чолпугъа чыгъар.
- Кёб джат да, бек чаб.
- Бети – къучакълар, джюреги – бычакълар.
- Намысы болмагъанны, сыйы болмаз.
- Ашаса, ашамаса да, бёрюню ауузу – къан.
- Тёгюлген тюгел джыйылмайды.
- Мухар, кеси тойса да, кёзю тоймаз.
- Ана къойну – балагъа джандет.
- Аманнга да, игиге да оноусуз къатышма.
- Гырджын – тепсини тамадасы.
- Зар адамны насыбы болмаз.
- Аман эсирсе, юйюн ояр.
- Тамбла алтындан бюгюн багъыр ашхы.
- Мени джылытмагъан кюн, меннге тиймесин!
- Эм уллу байлыкъ – джан саулукъ.
- Билим къая тешер.
- Сёз – кюмюш, джыр – алтын.
- Джылыгъа джылан илешир.
- Иесиз малны бёрю ашар.
- Джырчы джырчыгъа – къарнаш.
- Джылкъыдан – ат чыгъар, тукъумдан – джаш чыгъар.
- Адамны аманы адамны бети бла ойнар.
- Сёлеш деб шай берген, тохта деб, сом берген.
- Кенгеш болса, уруш болмаз.
- Суу кетер, таш къалыр.
- Айранын берсенг, челегин да къызгъанма.
- Ариу сёзде ауруу джокъ.
- Дуния аламаты сен эсенг да, игиме деб айтма.
- Джаным-тиним – окъуу, билим.
- Джыгъылгъанны сырты джерден тоймаз.
- Аш иеси бла татлыды.
- Уллу суу бла уллу ауруудан башынгы сакъла.
- Джылар джаш, атасыны сакъалы бла ойнар.
- Адамны аты башхача, акъылы да башхады.
- Огъурлуну сёзю – суу, огъурсузну сёзю – уу.
- Чабакъгъа акъыл, табагъа тюшсе келеди.
- Аз сёлеш, кёб ишле.
- Къартны бурнун сюрт да, оноугъа тут.
- Ауругъаннга – кийик саулукъ, джетген къызгъа – чилле джаулукъ.
- Джаханимни кёрмей, джандетге кёл салмазса.
- Джыланны къуйругъундан басарынг келсе, аны башы болгъанын унутма.
Профиль
|
|
|||