- Ашхы тенг джолгъа салыр, аман тенг джолдан тайдырыр.
- Ёлген ийнек сютлю болур.
- Чоюнну башы ачыкъ болса, итге уят керекди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашда – бёрю, ишде – ёлю.
- Байма, деб да, къууанма, джарлыма, деб да, джылама.
- Къоркъакъны кёзю экили кёрюр.
- Иги сеники эсе да, сюйген кесимикин этеме.
- Аз сёлешген, къайгъысыз турур.
- Ушамагъан – джукъмаз.
- Тамырсыз терекге таянма – джыгъылырса.
- Акъылсызны джууукъгъа алма, акъыллыны кенгнге салма.
- Кёб къычыргъандан – къоркъма, тынч олтургъандан – къоркъ.
- Эл ауузу – элек, анга ийнаннган – халек.
- Бет бетге къараса, бет да джерге къарар.
- Нафысынгы айтханын этме, намысынгы айтханын эт.
- Босагъагъа джууукъ орун болса, ашыгъыб тёрге озма.
- Бек ашыкъгъан меннге джетсин, дегенди аракъы.
- Иги сёз – джаннга азыкъ, аман сёз башха – къазыкъ.
- Тели турса – той бузар.
- Ёлмесенг да, къарт дамы болмазса?
- Уллу къазанда бишген эт, чий къалмаз.
- Ата – баланы уясы.
- Къатын байлыкъны сюер, эр саулукъну сюер.
- Адам къыйынлыгъын кёлтюрюр, зауукълугъун кёлтюрмез.
- Эки итни арасына сюек атма, эки адамны арасында сёз чыгъарма.
- Ашатыргъа иш – ашхы, ишлетирге аш – ашхы.
- Садакъачыны джаны – къапчыгъында.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомартха Тейри да борчлуду.
- Джетген къыз джерли эшекни танымаз.
- Къуллукъчума, деб махтанма, къуллукъ – хаух джамчыды!
- Эки ойлашыб, бир сёлешген.
- Ауругъан – джашаудан умутчу.
- Накъырданы арты керти болур.
- Бетинги сатма, малынгы сат.
- От этилмеген джерден тютюн чыкъмайды.
- Ишленмеген джаш – джюгенсиз ат, ишленмеген къыз – тузсуз хант.
- Аманны къуугъан, аманлыкъ табар.
- Къатын къылыкъсыз, эр тынчлыкъсыз.
- Джолунга кёре – джюрюшюнг, джагъанга кёре – юлюшюнг.
- Билим насыб берир, билим джолну керир.
- Къолунгдан къуймакъ ашатсанг да, атаны борчундан къутулмазса.
- Джуртун къоругъан озар.
- Юреннген ауруу къалмаз.
- Сабийликде юретмесенг, уллу болса – тюзелмез.
- Ашаса, ашамаса да, бёрюню ауузу – къан.
- Эл ауузу – элия.
- Насыб бютеу халкъны юлюшюдю.
- Къарнынг бла ёч алма.
Профиль
|
|
|
|||