- Акъыл бла адеб эгизледиле.
- Къонакъ кёб келюучю юйню, къазаны отдан тюшмез.
- Этим кетсе да, сюегим къалыр.
- Ашхы адам – халкъ байлыгъы, ашхы джер – джашау байлыгъы.
- Билимден уллу байлыкъ джокъду.
- Биреуню тёрюнден, кесинги эшик артынг игиди.
- Ашха уста, юйюнде болсун
- Иги сеники эсе да, сюйген кесимикин этеме.
- Кесине гебен этелмеген, биреуге черен эте эди.
- Онгсузну – джакъла, тенгликни – сакъла.
- Эл элде бирер малынг болгъандан эсе, бирер тенгинг болсун.
- Ат басханны джер билед.
- Иги болса, тамадама – махтау, аман болса, меннге – айыб.
- Айтхан – тынч, этген – къыйын.
- Къарнынг къанлынга кийирир.
- Ариу сёз – джаннга азыкъ, аман сёз – башха къазыкъ.
- Эл бла кёргенинг эрелей.
- Адебсиз адам – джюгенсиз ат.
- Ишленмеклик адамлыкъды.
- Зарда марда джокъ.
- Битмегеннге сакъал – танг.
- Билмезни кёзю кёрмез, этмезни къулагъы эшитмез.
- Чомартны къолу берекет.
- Мураты болгъанны джюрек тебюую башхады.
- Киштикге къанат битсе, чыпчыкъ къалмаз эди.
- Чарсда алчыны эл кёреди.
- Намысы джокъну – дуниясы джокъ.
- Элде адам къалмаса, ит тахтагъа минер.
- Тёзгеннге, джабылгъан эшик ачылыр.
- Кёрмегеннге кебек – танг, битмегеннге сакъал – танг.
- Элни кючю – эмеген.
- Эте билген, этген этеди, эте билмеген, юретген этеди!
- Керти сёзге тёре джокъ.
- Хантына кёре тузу, юйюне кёре къызы.
- Тили узунну, намысы – къысха.
- Ёлюр джаннга, ёкюл джокъ.
- Джюрек кёзден алгъа кёрюр.
- Хазыр ашха – терен къашыкъ.
- Джарлы тюеге минсе да, ит къабар.
- Ышармагъан – кюлмез, кюлмеген – къууанчны билмез.
- Магъанасыз сёз – тауушсуз сыбызгъы.
- Билеги кючлю, бирни джыгъар, билими кючлю, мингни джыгъар.
- Керилген да, ургъан кибикди.
- Уллу суу бла уллу ауруудан башынгы сакъла.
- Сангырау къулакъ эл бузар.
- Адеб базарда сатылмаз.
- Кюл тюбюндеги от кёрюнмейди.
- Экиндини кеч къылсанг, чабыб джетер ашхам.
- Уллу атлама – абынырса, уллу къабма – къарылырса.
- Джол бла сёзню къыйыры джокъ.
Профиль
|
|
|
|||