- Кёзюнде тереги болгъан, чёбю болгъаннга кюле эди.
- Ата Джуртун танымагъан, атасын да танымаз.
- Игилик игилик бла сингдирилиучю затды.
- Джангызны оту джарыкъ джанмаз!
- Аш иеси бла татлыды.
- Джашынгы кесинг юретмесенг, джашау юретир.
- Мал кёб болса, джууукъ кёб болур.
- Ауругъаннга – кийик саулукъ, джетген къызгъа – чилле джаулукъ.
- Телиге от эт десенг, юйюнге от салыр.
- Тёгюлген тюгел джыйылмайды.
- Рысхысына кёре, джаш ёсер, къышлыгъына кёре, мал ёсер.
- Къайтырыкъ эшигинги, къаты уруб чыкъма.
- Тойгъандан сора, ашны сёкме.
- Олтуруб кёрюнмей эди да, ёрге туруб кёрюне эди.
- Ёлген ийнек сютлю болур.
- Адеб джокъда, намыс джокъ.
- Къар – келтирди, суу – элтди.
- Джарлы эскисин джамаса, къууаныр.
- Байлыкъ келсе, акъыл кетер.
- Чомарт къонакъ юй иесин сыйлар.
- Уруну арты – къуру.
- Нафысынгы айтханын этме, намысынгы айтханын эт.
- Дуния мал дунияда къалады.
- Айыбны суу бла джууалмазса.
- Хар зат кесини орнуна иги.
- Билмегенинги, билгеннге сор.
- Ишни ахырын ойламай, аллын башлама.
- Ауругъанны сау билмез, ач къарынны токъ билмез.
- Зар адам ашынгы ашар, кесинги сатар.
- Юйюнг бла джау болгъандан эсе, элинг бла джау бол.
- Адам боллукъ, атламындан белгили болур.
- Къыйынлы джети элге оноу этер.
- Иши джокъну, сыйы джокъ.
- Сабийликде юретмесенг, уллу болса – тюзелмез.
- Ёнгкюч къууана барыр, джылай келир.
- Сёз къанатсыз учар.
- Джангыз терек къынгыр ёсер.
- Мадар болса, къадар болур.
- Биреуге аманлыкъны тилеме да, кесинге ашхылыкъны тиле.
- Окъугъан озар, окъумагъан тозар.
- Алгъанда – джууукъ, бергенде – джау.
- Кёлю джокъну – джолу джокъ.
- Таукелге нюр джауар.
- Джашда акъыл джокъ, къартда къарыу джокъ.
- Хантына кёре тузу, юйюне кёре къызы.
- Харам къарнашдан, халал тенг ашхы.
- Соргъан айыб тюлдю, билмеген айыбды.
- Тил бла келеди джыр да.
- Ач бёрюге мекям джокъ.
- Ишлегенден, къарагъан уста.
Профиль
|
Sara!
 Эльбрусоид
Cообщений: 28
Баллов: 14
Регистрация: 11.05.2012
Последний визит: 07.08.2013 14:27:37
|
|
||||||
|
|
|
||||||