- Иги сёз – джаннга азыкъ, аман сёз башха – къазыкъ.
- Тенгни тенглиги джашай барсанг билинир.
- Сабийни джумушха джибер да, ызындан бар.
- Айранын берсенг, челегин да къызгъанма.
- Джарлыны эшигин махтагъан джабар.
- Ышармагъан – кюлмез, кюлмеген – къууанчны билмез.
- Агъач – джерни чырайы, кийим – эрни чырайы.
- Этим кетсе да, сюегим къалыр.
- Аурууну келиую тынч, кетиую – къыйын.
- Къошда джокъгъа – юлюш джокъ.
- Бетинги сатма, малынгы сат.
- Аджашханны ызындагъы кёреди, джангылгъанны джанындагъы биледи.
- Ач да бол, токъ да бол – намысынга бек бол.
- Акъыл аздырмаз, билим тоздурмаз.
- Дуния мал дунияда къалады.
- Юре билмеген ит, къонакъ келтирир.
- Эли джокъну – кёлю джокъ.
- Юйюнг бла джау болгъандан эсе, элинг бла джау бол.
- Бети – къучакълар, джюреги – бычакълар.
- Къатын къылыкъсыз, эр тынчлыкъсыз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишлерге уял да, ашаргъа табма.
- Эллинг бла джау болсанг да, юйюнг бла джау болма.
- Бозаны арты дауур болур.
- Тёгюлген тюгел джыйылмайды.
- Сакъалы текени да бар, мыйыгъы киштикни да бар.
- Уруну арты – къуру.
- Джыланны къуйругъундан басарынг келсе, аны башы болгъанын унутма.
- Телиге акъыл салгъандан эсе, ёлгеннге джан салырса.
- Джарлы джети элни сёзюн этер.
- Хар зат кесини орнуна иги.
- Тели турса – той бузар.
- Аллахха ийнаннган кишини, Аллах онгдурур ишин.
- Аз сёлеш, кёб ишле.
- Эл ауузу – элия.
- Ауругъан – джашаудан умутчу.
- Джаханимни кёрмей, джандетге кёл салмазса.
- Тойгъанлыкъ къойгъа джарашады.
- Тау башында, тау болмаз, джангыз терек, бау болмаз.
- Ата Джуртуму башы болмасам да, босагъасында ташы болайым.
- Хатерли къул болур.
- Кёбге таш атма.
- Ёзденликни кёбю ётюрюк.
- Экиндини кеч къылсанг, чабыб джетер ашхам.
- Акъдан къара болмаз.
- Ишин билген, аны сыйын чыгъарады.
- Аман киши кеси юйюнде – къонакъ.
- Къарнынг ауруса, ауузунгу тый
- Нарт сёз къарт болмаз.
- Телиге от эт десенг, юйюнге от салыр.
Профиль
|
|
|||