- Уллу къашыкъ эрин джыртар.
- Бозаны арты дауур болур.
- Махтаннган къыз, тойда джукълар.
- Кёзден кетген, кёлден да кетеди.
- От этилмеген джерден тютюн чыкъмайды.
- Къыз чыгъаргъан – къызыл къымжа.
- Гырджын – тепсини тамадасы.
- Ашын ашагъанынгы, башын да сыйла.
- Адам къаллай бир ишленмесе, аллай бир кесин уллу кёреди.
- Къарт айтханны этмеген, къартаймаз.
- Ашхы – джыяр, аман – джояр.
- Аурууну келиую тынч, кетиую – къыйын.
- Акъыллы эркиши атын махтар, акъылсыз эркиши къатынын махтар.
- Асхат ашлыкъ сата, юйдегиси ачдан къата.
- Ишленмеклик адамлыкъды.
- Джюрекден джюрекге джол барды.
- Этек чакъмакълары баш джаргъан, сёлешген сёзлери таш джаргъан.
- Сууда джау джокъ, кёб сёзде магъана джокъ.
- Аллахдан тилесенг, кёб тиле.
- Юреннген ауруу къалмаз.
- Тыш элде солтан болгъандан эсе, кесинги элде олтан болгъан игиди!
- Аман къатын сабий табса, бий болур…
- Чабакъгъа акъыл, табагъа тюшсе келеди.
- Ишлегенде эринме, ишде чолакъ кёрюнме.
- Ач бёрюге мекям джокъ.
- Ёпкелегенни ашы татлы болады.
- Хантына кёре тузу, юйюне кёре къызы.
- Акъыл аздырмаз, билим тоздурмаз.
- Хазыр ашха – терен къашыкъ.
- Алтыда кюлмеген, алтмышда кюлмез.
- Бал – татлы, балдан да бала – татлы.
- Тешигини къатында, чычхан да батыр болур.
- Эки къатын алгъанны къулагъы тынгнгаймаз.
- Тил – кесген бычакъ, сёз – атылгъан окъ.
- Къарт бла баш аша, джаш бла аякъ аша.
- Экеулен сёлеше тура эселе, орталарына барыб кирме.
- Къууут – джелге, берне – бошха.
- Чомарт бергенин айтмаз.
- Нарт сёз – тилни бети.
- Адам къыйынлыгъын кёлтюрюр, зауукълугъун кёлтюрмез.
- Халкъны джырын джырласанг, халкъ санга эжиу этер.
- Ёнгкюч къууана барыр, джылай келир.
- Джарлы джети элни сёзюн этер.
- Бойнуму джети джерден кессенг да, мен ол ишни этеллик тюлме.
- Дженгил джетерикме деб, узун джолну къоюб, къысхасын барма.
- От кюйдюрген, сау болса да, тот кюйдюрген, сау болмаз.
- Таукел къуру къалмаз.
- Джарлыны эшигин махтагъан джабар.
- Чомартны къолун джокълукъ байлар.
- Байлыкъ келсе, акъыл кетер.
Профиль
|
|
|
|||