- Окъ къызбайны джокълайды.
- Тенгни тенглиги джашай барсанг билинир.
- Билеги кючлю, бирни джыгъар, билими кючлю, мингни джыгъар.
- Намыс болмагъан джерде, насыб болмаз.
- Ашхы – джыяр, аман – джояр.
- Ишленмеклик адамлыкъды.
- Къазанда болса, чолпугъа чыгъар.
- Термилгенинги табмазса, кюлгенинге тюберсе.
- Ауузу аманнга «иги», деме.
- Биреу къой излей, биреу той излей.
- Къайгъы тюбю – тенгиз.
- Мухардан ач ычхынмаз.
- Мал тутхан – май джалар.
- Эллинг бла джау болсанг да, юйюнг бла джау болма.
- Ариу джол аджал келтирмез.
- Ашыкъгъан cуу, тенгизге джетмез.
- Чакъырылмагъан джерге барма, чакъырылгъан джерден къалма.
- Къанны къан бла джуума, аманны аман бла къуума.
- Шекер бла туз – бир болмаз, ушамагъан – юй болмаз.
- Тилде сюек болмаса да, сюек сындырыр.
- Урама да – ёледи, сатама да – келеди.
- Кёз – сюйген джерде, къол – ауругъан джерде.
- Мухар, кеси тойса да, кёзю тоймаз.
- Байлыкъ тауусулур, билим тауусулмаз.
- Джашны джигитлиги сорулур, къызны джигерлиги сорулур.
- Этим кетсе да, сюегим къалыр.
- Къонагъы джокъну – шоху джокъ.
- Аш иеси бла татлыды.
- Ариу сёз – джаннга азыкъ, аман сёз – башха къазыкъ.
- Хунаны тюбюн къазсанг, юсюнге ауар.
- Керти сёзге тёре джокъ.
- Бир онгсуз адам адет чыгъарды, деб эштирик тюлсе.
- Ётюрюкню къуйругъу – бир тутум.
- Джан саулукъ бермей, сан саулукъ бермезсе.
- Къозулугъунда тоймагъан, къойлугъунда тоймаз.
- Чёбню кёлтюрсенг, тюбюнден сёз чыгъар.
- Сёз садакъдан кючлюдю.
- Къызны минг тилер, бир алыр.
- Тойгъа алгъа да барма, тойда артха да къалма.
- Болджал ишни бёрю ашар.
- Тюкюрюк баш джармаз, налат кёз чыгъармаз!
- Чабакъсыз кёлге къармакъ салгъанлыкъгъа, чабакъ тутмазса.
- Арыгъан къош чамчы болур.
- Азыгъы аз, алгъа къабар, аты аман, алгъа чабар.
- Джюрекге ариу – кёзге да ариу.
- Илму – джашауну джолу.
- Акъыл сабырлыкъ берир.
- Ач келгенни – тойдур, кеч келгенни – къондур.
- Акъыллы – эл иеси, тели – эл баласы.
- Билим насыб берир, билим джолну керир.
Профиль
|
|
|
|||