- Элиб деген, элге болушур.
- Ханы къызы буюгъа-буюгъа киштик болду.
- Игини сыйлагъан адетди.
- Ёмюрлюк шохлукъну джел элтмез.
- Миллетни бойну – базыкъ, аны бла кюрешген – джазыкъ.
- Эки къатын алгъан – эки ташны ортасына башын салгъан.
- Юреннген ауруу къалмаз.
- Сыфатында болмагъаны, суратында болмаз.
- Гугурук къычырмаса да, тангны атары къалмаз.
- Этни бети бла шорпасы.
- Тилде сюек болмаса да, сюек сындырыр.
- Накъырда – кертини келечиси.
- Эм уллу байлыкъ – джан саулукъ.
- Бастасын ашагъан, хантусун да ичер.
- Таш бла ургъанны, аш бла ур.
- Ач келгенни – тойдур, кеч келгенни – къондур.
- Ана къойну – балагъа джандет.
- Эллинг бла джау болсанг да, юйюнг бла джау болма.
- Тенгни тенглиги джашай барсанг билинир.
- Ханнга да келеди хариблик.
- Къумурсхала джыйылсала, пилни да джыгъадыла.
- Ашатыргъа иш – ашхы, ишлетирге аш – ашхы.
- Юйюнгден чыкъдынг – кюнюнгден чыкъдынг.
- Арпа, будай – ащды, алтын, кюмюш а – ташды.
- Чомарт къолда мал къалмаз.
- Эки къатын алгъанны къулагъы тынгнгаймаз.
- Рысхысына кёре, джаш ёсер, къышлыгъына кёре, мал ёсер.
- Айырылмаз джууугъунга, унутмаз сёзню айтма.
- Джаш болсун, къыз болсун, акъылы, саны тюз болсун.
- Тели турса – той бузар.
- Ётген ёмюр – акъгъан суу.
- Къонакъ аман болса, къонакъбай джунчур
- Ишлерге уял да, ашаргъа табма.
- Джылар джаш, атасыны сакъалы бла ойнар.
- Айранны сюйген, ийнек тутар.
- Гугук кесини атын айтыб къычыргъанча, мен, мен деб нек тураса?
- Аз сёлешген, къайгъысыз турур.
- Уллу сёзде уят джокъ.
- Къошда джокъгъа – юлюш джокъ.
- Иги адам абынса да, джангылмаз.
- Аманнга алтын чыдамаз.
- Чабакъгъа акъыл, табагъа тюшсе келеди.
- Сагъыш – къартлыкъгъа сюйюмчю.
- Ачны эсинде – аш.
- Тыш элде солтан болгъандан эсе, кесинги элде олтан болгъан игиди!
- Уллу атлама – абынырса, уллу къабма – къарылырса.
- Билгенни къолу къарны джандырыр.
- Тилсиз миллет джокъ болур.
- Айтылгъан буйрукъ, сёгюлмез
- Окъуу – билимни ачхычы, окъуу – дунияны бачхычы.
Профиль
|
|
|
|||