- Ойнай-ойнай кёз чыгъар.
- Джюрек кёзден алгъа кёрюр.
- Джылыгъа джылан илешир.
- Алма терегинден кери кетмез.
- Тау башында, тау болмаз, джангыз терек, бау болмаз.
- Ач уят къоймаз.
- Кесине оноу эте билмеген, халкъына да эте билмез.
- Адебсиз адам – джюгенсиз ат.
- Уллу атлама – абынырса, уллу къабма – къарылырса.
- Къарнынг къанлынга кийирир.
- Суугъа – таянма, джаугъа – ийнанма.
- От кюйдюрген, сау болса да, тот кюйдюрген, сау болмаз.
- Тойну къарнашы – харс, джырны къарнашы – эжиу.
- Къатын байлыкъны сюер, эр саулукъну сюер.
- Джюз элде джюз ёгюзюм болгъандан эсе, джюз джууугъум болсун.
- Ата Джуртун танымагъан, атасын да танымаз.
- Тай асырагъан, атха минер.
- Билмейме деген – бир сёз
- Юй ишлеген балта эшикде къалыр.
- Гитче джилтин уллу элни джандырыр.
- Адамны сыфатына къарама, сёзюне къара.
- Джырына кёре эжиую.
- Адамны сабийин сюйген джюреги, бычакъча, джитиди.
- Тешик этген тынчды, аны джамагъан къыйынды.
- Къозулугъунда тоймагъан, къойлугъунда тоймаз.
- Игини сыйлагъан адетди.
- Кесинге джетмегенни, кёб сёлешме.
- Минг тенг да азды, бир джау да кёбдю.
- Тёгюлген тюгел джыйылмайды.
- Иги адам абынса да, джангылмаз.
- Эм ашхы къайын ана мамукъ бла башынгы тешер.
- Шапа кёб болса, аш татымсыз болур.
- От этилмеген джерден тютюн чыкъмайды.
- Махтаннган къыз, тойда джукълар.
- Адеб базарда сатылмаз.
- Къолунгдан къуймакъ ашатсанг да, атаны борчундан къутулмазса.
- Сютню башын джалагъан къутулур, тюбюн ичген тутулур.
- Джырчы ёлсе, джыры къалыр.
- Сёз сёзню айтдырыр.
- Аз сёлеш, кёб ишле.
- Окъдан джара эртде-кеч болса да бителир, сёз джара, ёмюрге къалыр.
- Тыш элде солтан болгъандан эсе, кесинги элде олтан болгъан игиди!
- Бети – къучакълар, джюреги – бычакълар.
- Хатерли къул болур.
- Мадар болса, къадар болур.
- Кёзюнде тереги болгъан, чёбю болгъаннга кюле эди.
- Садакъачыны джаны – къапчыгъында.
- Джан саулукъ бермей, сан саулукъ бермезсе.
- Ашхы сёз таш тешер.
- Джахил болса анасы, не билликди баласы?
Профиль
|
|
|||