- Окъугъан озар, окъумагъан тозар.
- Ариу сёз – джаннга азыкъ, аман сёз – башха къазыкъ.
- Тилсиз миллет джокъ болур.
- Биреуге аманлыкъны тилеме да, кесинге ашхылыкъны тиле.
- Арба аугъандан сора, джол кёргюзтюучю кёб болур.
- Юйлю уругъа ит чабмаз.
- Олтуруб кёрюнмей эди да, ёрге туруб кёрюне эди.
- Ёксюзню тилеги къабыл болур.
- Биреу къой излей, биреу той излей.
- Аджал соруб келмез, келсе, къайтыб кетмез.
- Ач, тоймам, дейди, тойгъан, ач болмам, дейди.
- Ачны эсинде – аш.
- Къонакъны къачан кетерин сорма, къачан келлигин сор.
- Аманнга игилик этсенг, юйюнге сау бармазса.
- Ёнгкюч къууана барыр, джылай келир.
- Аджашханны ызындагъы кёреди, джангылгъанны джанындагъы биледи.
- Эли джокъну – кёлю джокъ.
- Махтаннган къыз, тойда джукълар.
- Бюгюн дуния кибик, тамбла ахыратды.
- Къыйынлы джети элни къайгъысын этер.
- Урама да – ёледи, сатама да – келеди.
- Бал – татлы, балдан да бала – татлы.
- Татлы сёз – балдан татлы.
- Биреуню къыйынлыгъы бла кесинге джол ишлеме.
- Джырына кёре эжиую.
- Чакъырылгъанны аты, чакъырылмагъанны багъасы болур.
- Садакъачыны джаны – къапчыгъында.
- Этни да ашады, бетни да ашады.
- Тамбла алтындан бюгюн багъыр ашхы.
- Ишин билген, аны сыйын чыгъарады.
- Тили узунну, намысы – къысха.
- Юй кюйдю да, кюйюз чыкъды, ортасындан тюйюш чыкъды.
- Хар адамгъа кеси миннген тау кибик.
- Терек ауса, отунчу – кёб.
- Элни кючю – эмеген.
- Ёлюр джаннга, ёкюл джокъ.
- Къарнынг ауруса, ауузунгу тый
- Кёзю сокъурдан – къоркъма, кёлю сокъурдан – къоркъ.
- Босагъа таш юйге кирмей эди, тыбыр таш эшикге чыкъмай эди.
- Ачлыкъ отха секиртир.
- Хатерли къул болур.
- Битмегеннге сакъал – танг.
- Сёз садакъдан кючлюдю.
- Алгъанда – джууукъ, бергенде – джау.
- Эл элде бирер малынг болгъандан эсе, бирер тенгинг болсун.
- Сёлеш деб шай берген, тохта деб, сом берген.
- Ач бёрюге мекям джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Огъурлуну сёзю – суу, огъурсузну сёзю – уу.
- Гугук кесини атын айтыб къычыргъанча, мен, мен деб нек тураса?
Профиль
|
|
|
|||