- Билим къая тешер.
- Къыз келсе, джумуш эте келеди, къатын келсе, ушакъ эте келеди.
- Къумурсхала джыйылсала, пилни да джыгъадыла.
- Ашхы тенг джолгъа салыр, аман тенг джолдан тайдырыр.
- Эки ойлашыб, бир сёлешген.
- Къызбайны юйюне дери сюрсенг, батыр болур.
- Адамны бетине къарама, адетине къара.
- Оюмсуз атлагъан, аджалсыз ёлюр.
- Кёл – къызбай, къол – батыр.
- Окъумагъан сокъурду, сокъур ташха абыныр!
- Ач къарынны, токъ билмез
- Билими азны – ауузунда кирит.
- Бал – татлы, балдан да бала – татлы.
- Ариу – кёзге, акъыл – джюрекге.
- Аманны эки битли тону болур, бирин сеннге кийдирир, бирин кеси киер.
- Аманнга алтын чыдамаз.
- Кёзден кетген, кёлден да кетеди.
- От этилмеген джерден тютюн чыкъмайды.
- Дууулдаса – бал чибин, къонса – къара чибин.
- Тура эдим джата, къайдан чыкъды хата?
- Джангыз торгъай джырламаз.
- Игилик игилик бла сингдирилиучю затды.
- Ач да бол, токъ да бол – намысынга бек бол.
- Сибиртки да сыйлы болду, кюрек да кюнлю болду.
- Керти сёзге тёре джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Ачлыкъда тары гырджын халыуадан татлы.
- Ата джурт – алтын бешик.
- Чакъырылгъанны аты, чакъырылмагъанны багъасы болур.
- Джарашыу сюйген – джалынчакъ.
- Ётюрюкню къуйругъу – бир тутум.
- Къарны аманнга къазан такъдырма, къолу аманнга от джакъдырма.
- Суугъа – чабакъ, къаягъа – ыргъакъ.
- Къалгъан ишге къар джауар.
- Аджал соруб келмез, келсе, къайтыб кетмез.
- Ач къарным, тынч къулагъым.
- Ашлыкъ – бюртюкден, джюн – тюкден.
- Тенгни тенглиги джашай барсанг билинир.
- Джети тилни билген джети кишиди.
- Биреуню эскиси биреуге джангы болмайды.
- Кёбню кёрген – кёб билир.
- Кюл тюбюндеги от кёрюнмейди.
- Кесине гебен этелмеген, биреуге черен эте эди.
- Мени джылытмагъан кюн, меннге тиймесин!
- Тойчу джашха къарама, къойчу джашха къара.
- Ач къалгъандан, кеч къалгъан къолай.
- Ач – эснер, ат – кишнер.
- Джаханимни кёрмей, джандетге кёл салмазса.
- Къонакъ аман болса, къонакъбай джунчур
- Акъыл бла адеб эгизледиле.
Профиль
|
|
|||