- Сакъалы текени да бар, мыйыгъы киштикни да бар.
- Тау башында, тау болмаз, джангыз терек, бау болмаз.
- Кёкдеги болмаса, джердегин кёрмейди.
- Билмейме деген – бир сёз
- Ханнга да келеди хариблик.
- Телиге от эт десенг, юйюнге от салыр.
- Джарлы эскисин джамаса, къууаныр.
- Къонагъы джокъну – шоху джокъ.
- Ашхы тенг джолгъа салыр, аман тенг джолдан тайдырыр.
- Мен да «сен», дейме, сен да «кесим», дейсе.
- Къайтырыкъ эшигинги, къаты уруб чыкъма.
- Махтаннган къыз, тойда джукълар.
- Къызын тута билмеген, тул этер, джашын тута билмеген, къул этер.
- Окъумагъан сокъурду, сокъур ташха абыныр!
- Нарт сёз къарт болмаз.
- Тёрдеги кюлсе, эшикдеги ышарыр.
- Окъуу – билимни ачхычы, окъуу – дунияны бачхычы.
- Аякъларынгы джууургъанынга кёре узат.
- Келгинчи, къонакъ уялыр, келгенден сора, къонакъбай уялыр.
- Мени джылытмагъан кюн, меннге тиймесин!
- Кёзден кетген, кёлден да кетеди.
- Эринчекни эр алмаз, эр алса да, кёл салмаз, кёл салса да, кёб бармаз!
- Къайгъыны сюйген, къайгъы табар.
- Аманны тукъумуна къарама, игини тукъумун сорма.
- Ариу сёз – джаннга азыкъ, аман сёз – башха къазыкъ.
- Кёбден умут этиб, аздан къуру къалма.
- Ишлерге уял да, ашаргъа табма.
- Тойгъан джерден туугъан джер игиди.
- Ашатыргъа иш – ашхы, ишлетирге аш – ашхы.
- Бал ашаргъа сюе эсенг, чибин ургъаннга тёз.
- Эрни эр этерик да, къара джер этерик да, тиширыуду.
- Уллу къашыкъ эрин джыртар.
- Ургъан суудан башынгы сакъла.
- Аманнга игилик этсенг, юйюнге сау бармазса.
- Тилчи тилден къаныкъмаз.
- Ётген ёмюр – акъгъан суу.
- Чомартха хар кюн да байрамды.
- Акъыл сабырлыкъ берир.
- Чабакъгъа акъыл, табагъа тюшсе келеди.
- Зарда марда джокъ.
- От этилмеген джерден тютюн чыкъмайды.
- Магъанасыз сёз – тауушсуз сыбызгъы.
- Кюлме джашха – келир башха.
- Билмегенинги, билгеннге сор.
- Намысы болмагъанны, сыйы болмаз.
- Тешик этген тынчды, аны джамагъан къыйынды.
- Иги сёз – джаннга азыкъ, аман сёз башха – къазыкъ.
- Сакъ юйюне сау барыр.
- Нафысынгы айтханын этме, намысынгы айтханын эт.
- Ашарыкъда сайлагъаннга – чий гырджын.
Профиль
|
|
|
|||