- Билимли ёлмез, билимсиз кёрмез.
- Эл тойса, тоймагъан, эл къойса, къоймагъан.
- Алгъанда – джууукъ, бергенде – джау.
- Ариу джол аджал келтирмез.
- Ашхы атаны – джашы ашхы, ашхы ананы – къызы ашхы.
- Ичимден чыкъды хата, къайры барайым сата?
- Къалгъан ишге къар джауар.
- Тиширыусуз юй – отсуз от джагъа.
- Джырчы ёлсе, джыры къалыр.
- Аз сёлеш, кёб ишле.
- Суу ичген шауданынга тюкюрме.
- Аз сёлешген, къайгъысыз турур.
- Адеб джокъда, намыс джокъ.
- Ишлемеген – тишлемез.
- Ишлерге уял да, ашаргъа табма.
- Биреуге аманлыкъны тилеме да, кесинге ашхылыкъны тиле.
- Сабий кёргенин унутмаз.
- Юй ишлеген балта эшикде къалыр.
- Эри аманны, къатыны – аман.
- Юй кюйдю да, кюйюз чыкъды, ортасындан тюйюш чыкъды.
- Джолда аягъынга сакъ бол, ушакъда тилинге сакъ бол.
- Азыгъы аз, алгъа къабар, аты аман, алгъа чабар.
- Башы ишлегенни, ауузу да ишлер.
- Ёлюк кебинсиз къалмаз.
- Джаз бир кюнню джатсанг, къыш талай кюнню абынырса.
- Билими азны – ауузунда кирит.
- Эте билген, этген этеди, эте билмеген, юретген этеди!
- Таугъа чыгъаллыкъ эсенг, тюзде къалма.
- Игини сыйлагъан адетди.
- Тин – байлыгъынг, терен саулугъунг.
- Хатерли къул болур.
- Эки къатын алгъан – эки ташны ортасына башын салгъан.
- Этек чакъмакълары баш джаргъан, сёлешген сёзлери таш джаргъан.
- Билеги кючлю, бирни джыгъар, билими кючлю, мингни джыгъар.
- Сагъыш – къартлыкъгъа сюйюмчю.
- Къайтырыкъ эшигинги, къаты уруб чыкъма.
- Ургъан суудан башынгы сакъла.
- Айтылгъан буйрукъ, сёгюлмез
- Сакъалы текени да бар, мыйыгъы киштикни да бар.
- Иги джашны ышаны – аз сёлешиб, кёб тынгылар.
- Джыйырма къойну юч джыйырма эбзе кюте эди.
- Ач уят къоймаз.
- Джаханимни кёрмей, джандетге кёл салмазса.
- Аман къатын сабий табса, бий болур…
- Юйлю уругъа ит чабмаз.
- Къыз тиширыу кеси юйюнде да къонакъды.
- Ётген ёмюр – акъгъан суу.
- Сёлеш деб шай берген, тохта деб, сом берген.
- Ёлмесенг да, къарт дамы болмазса?
- Эм ашхы къайын ана мамукъ бла башынгы тешер.
Профиль
|
|
|||