- Бир абыннган – минг сюрюнюр.
- Ач да бол, токъ да бол – намысынга бек бол.
- Юйлю уругъа ит чабмаз.
- Ариу – кёзге, акъыл – джюрекге.
- Эшекни не къадар тюйсенг да, ат болмаз.
- Эри аманны, къатыны – аман.
- Адамны артындан къара сабан сюрме.
- Къонагъы джокъну – шоху джокъ.
- Тойгъандан сора, ашны сёкме.
- Къарнынг бла ёч алма.
- Таукелге нюр джауар.
- Урама да – ёледи, сатама да – келеди.
- Эркишиге тары кебек танг кёрюнюр.
- Баш болса, бёрк табылыр.
- Ата – билек, ана – джюрек!
- Элни кючю – эмеген.
- Эки элинги тыйсанг, джети элде махталырса.
- Джумушакъ сёз къаты таякъны сындырыр.
- Хунаны тюбюн къазсанг, юсюнге ауар.
- Окъугъанны бети джарыкъ.
- Чакъырылмагъан джерге барма, чакъырылгъан джерден къалма.
- Аманнга да, игиге да оноусуз къатышма.
- Хантына кёре тузу, юйюне кёре къызы.
- Мени джылытмагъан кюн, меннге тиймесин!
- Чалманны аллы къалай башланса, арты да алай барады.
- Айыбны суу бла джууалмазса.
- Иги адамны бир сёзю эки болмаз.
- Тил – кесген бычакъ, сёз – атылгъан окъ.
- Къарнынг къанлынга кийирир.
- Танг атмайма десе да, кюн къоярыкъ тюйюлдю.
- Ат басханны джер билед.
- Тюз сёз баргъан сууну тыяр.
- Адамны джюреги нени кёрюрге сюйсе, кёзю да аны кёрюрге ёч болады.
- Суу да къайтады чыкъгъан джерине.
- Юй ишлеген балта эшикде къалыр.
- Кюн – узун, ёмюр – къысха.
- Татлы сёз – балдан татлы.
- Аурууну келиую тынч, кетиую – къыйын.
- Тойгъа алгъа да барма, тойда артха да къалма.
- Ашха уста, юйюнде болсун
- Ачыкъ джюрекге джол – ачыкъ.
- Къаллай салам берсенг, аллай джууаб алырса.
- Аз сёлешген, къайгъысыз турур.
- Ач къарным, тынч къулагъым.
- Ауругъаннга – кийик саулукъ, джетген къызгъа – чилле джаулукъ.
- Биреу къой излей, биреу той излей.
- Оюмсуз атлагъан, аджалсыз ёлюр.
- Кёзю сокъурдан – къоркъма, кёлю сокъурдан – къоркъ.
- Ач отунчуну ачыуу – бурнунда.
- Кесинг сынамагъан затны, адамгъа буюрма.
Профиль
|
|
|
|||