- Къулакъдан эсе, кёзге ышан.
- Тил джюрекге джол ишлейди.
- Чомарт къонакъ юй иесин сыйлар.
- Биреу ашаб къутулур, биреу джалаб тутулур.
- Къарт болгъан джерде, берекет болур, сабий болгъан джерде, оюн болур.
- Тойгъа барсанг, тоюб бар, эски тонунгу къоюб бар.
- Биреуге аманлыкъны тилеме да, кесинге ашхылыкъны тиле.
- Эшекни не къадар тюйсенг да, ат болмаз.
- Чомартны къолун джокълукъ байлар.
- Эркишиге тары кебек танг кёрюнюр.
- Эллинг бла джау болсанг да, юйюнг бла джау болма.
- Таукелге нюр джауар.
- Алма терегинден кери кетмез.
- Кёб ант этген, кёб ётюрюк айтыр.
- Айныгъанлы алты кюн, тогъайгъанлы тогъуз кюн.
- Ата Джуртча джер болмаз, туугъан элча эл болмаз.
- Сангырау къулакъ эл бузар.
- Эл элде бирер малынг болгъандан эсе, бирер тенгинг болсун.
- Бойнуму джети джерден кессенг да, мен ол ишни этеллик тюлме.
- Кесине гебен этелмеген, биреуге черен эте эди.
- Айтылгъан буйрукъ, сёгюлмез
- Аманнга алтын чыдамаз.
- Эл ауузу – элек, анга ийнаннган – халек.
- Ашда – бёрю, ишде – ёлю.
- Окъуу – билимни ачхычы, окъуу – дунияны бачхычы.
- Къалгъан ишге къар джауар.
- Намыс болмагъан джерде, насыб болмаз.
- Акъыллы башны – тили къысха.
- Ичимден чыкъды хата, къайры барайым сата?
- Тешигини къатында, чычхан да батыр болур.
- Къумурсхала джыйылсала, пилни да джыгъадыла.
- Аманны эки битли тону болур, бирин сеннге кийдирир, бирин кеси киер.
- Тёрде – темир таякълы, къаяда – чыпчыкъ аякълы.
- Ашлыкъ – бюртюкден, джюн – тюкден.
- Джылыгъа джылан илешир.
- Аман хансны – урлугъу кёб.
- Таула не мийик болсала да, аууш табылыр.
- Тынгылагъан тынгы бузар.
- Баланы адам этген анады.
- Джюрекге ариу – кёзге да ариу.
- Ёлюк кебинсиз къалмаз.
- Эрни эр этерик да, къара джер этерик да, тиширыуду.
- Эшекге миннген – биринчи айыб, андан джыгъылгъан – экинчи айыб.
- Джылар джаш, атасыны сакъалы бла ойнар.
- Келгинчи, къонакъ уялыр, келгенден сора, къонакъбай уялыр.
- Айран ичген – къутулду, джугъусун джалагъан – тутулду.
- Тилчиден кери бол.
- Билимден уллу байлыкъ джокъду.
- Кёпюр салгъан кеси ётер, уру къазгъан кеси кетер.
- Игилик игилик бла сингдирилиучю затды.
Профиль
|
|
|
|||