- Сакъламагъан затынга джолукъсанг, не бек къууанаса, не бек ачыйса.
- Ишни аллы бла къууанма да, арты бла къууан.
- Билимсиз иш бармаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ариуну – ауруу кёб.
- Акъдан къара болмаз.
- Ашхы – джыяр, аман – джояр.
- Шапа кёб болса, аш татымсыз болур.
- Джылыгъа джылан илешир.
- Ауузу аманнга «иги», деме.
- Эр сокъур болсун, къатын тилсиз болсун.
- Аман къатын алгъан, арыр, иги къатын алгъан джарыр.
- Адамгъа аман кюн соруб келмейди.
- Адамны артындан къара сабан сюрме.
- Кесинг сынамагъан затны, адамгъа буюрма.
- Тенгни тенглиги джашай барсанг билинир.
- Таукел къуру къалмаз.
- Къонакъ аз олтурур, кёб сынар.
- Сакъалы текени да бар, мыйыгъы киштикни да бар.
- Къарыусузгъа кюлме, онгсузгъа тийме.
- Джаралыны джастыгъында сау ёлюр.
- Уллу суу бла уллу ауруудан башынгы сакъла.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомартха Тейри да борчлуду.
- Адамны джюреги нени кёрюрге сюйсе, кёзю да аны кёрюрге ёч болады.
- Билмейме деген – бир сёз
- Къоркъакъны кёзю экили кёрюр.
- Кийиминг бла танылма, адамлыкъ бла таныл.
- Къыйынлы джети элни къайгъысын этер.
- Эркиши – от, тиширыу – суу.
- Азыгъы аз, алгъа къабар, аты аман, алгъа чабар.
- Тура эдим джата, къайдан чыкъды хата?
- Къолунгдан къуймакъ ашатсанг да, атаны борчундан къутулмазса.
- Джашны джигитлиги сорулур, къызны джигерлиги сорулур.
- Ашда – бёрю, ишде – ёлю.
- Сакъ юйюне сау барыр.
- Джаш къарыу бла кючлю, къарт акъыл бла кючлю.
- Джарашыу сюйген – джалынчакъ.
- Бети къызарыучу адамны, джюреги харам болмаз.
- Дуния аламаты сен эсенг да, игиме деб айтма.
- Сормай – алма, чакъырылмай – барма.
- Билмезни кёзю кёрмез, этмезни къулагъы эшитмез.
- Билгенни къолу къарны джандырыр.
- Кёпюр салгъан кеси ётер, уру къазгъан кеси кетер.
- Садакъачыны джаны – къапчыгъында.
- Юре билмеген ит, къонакъ келтирир.
- Ачылгъан эт джабылыр, кёрген кёз унутмаз.
- Халкъны джырын джырласанг, халкъ санга эжиу этер.
- Кёбню кёрген – кёб билир.
- Юй кюйдю да, кюйюз чыкъды, ортасындан тюйюш чыкъды.
Профиль
|
|
|||