- Ишни аллы бла къууанма да, арты бла къууан.
- Чакъырылмай келген къонакъ сыйланмай кетер.
- Байлыкъ келсе, акъыл кетер.
- Уллу атлама – абынырса, уллу къабма – къарылырса.
- Тёрени джагъы джокъ.
- Ёлген эшек бёрюден къоркъмайды.
- Къошда джокъгъа – юлюш джокъ.
- Сёз садакъдан кючлюдю.
- Кютгени беш эчки, сызгъыргъаны уа, джерни джарады.
- Бети бедерден, намыс сакълама.
- Аллахдан тилесенг, кёб тиле.
- Ауузу бла къуш тута айланады.
- Адамны сыфатына къарама, сёзюне къара.
- Накъырданы арты керти болур.
- Чакъырылгъанны аты, чакъырылмагъанны багъасы болур.
- Ашха уста, юйюнде болсун
- Джаш болсун, къыз болсун, акъылы, саны тюз болсун.
- Акъыллы – эл иеси, тели – эл баласы.
- Ашлыкъ – бюртюкден, джюн – тюкден.
- Хунаны тюбюн къазсанг, юсюнге ауар.
- Алма терегинден кери кетмез.
- Дууулдаса – бал чибин, къонса – къара чибин.
- Билмезни кёзю кёрмез, этмезни къулагъы эшитмез.
- Элни кючю – эмеген.
- Хансыз джомакъ болмаз.
- Ётюрюкчюню шагъаты – къатында.
- Акъдан къара болмаз.
- Айтханы чапыракъдан ётмеген.
- Къонакъ аз олтурур, кёб сынар.
- Эте билген, этген этеди, эте билмеген, юретген этеди!
- Башланнган иш битер, къымылдагъан тиш тюшер.
- Къызбайны юйюне дери сюрсенг, батыр болур.
- Ариу сёз джыланны орнундан чыгъарыр.
- Таякъ этден ётер, тил сюекден ётер.
- Сакъалы текени да бар, мыйыгъы киштикни да бар.
- Сескекли кесин билдирир.
- Сууда джау джокъ, кёб сёзде магъана джокъ.
- Тиширыусуз юй – отсуз от джагъа.
- Махтаннган къыз, тойда джукълар.
- Кёз – сюйген джерде, къол – ауругъан джерде.
- Атадан ёксюз – бир ёксюз, анадан ёксюз – эки ёксюз.
- Чабакъгъа акъыл, табагъа тюшсе келеди.
- Джолда аягъынга сакъ бол, ушакъда тилинге сакъ бол.
- Байлыкъ тауусулур, билим тауусулмаз.
- Адамны бетине къарама, адетине къара.
- Эки элинги тыйсанг, джети элде махталырса.
- Къыз келсе, джумуш эте келеди, къатын келсе, ушакъ эте келеди.
- Къонагъынгы артмагъын алма да, алгъышын ал.
- Таукелге нюр джауар.
- Ашаса, ашамаса да, бёрюню ауузу – къан.
Профиль
|
|
|||