- Окъугъан озар, окъумагъан тозар.
- Ариу джол аджал келтирмез.
- Джарлыны тону джаз битер.
- Аурууну келиую тынч, кетиую – къыйын.
- Къонагъынгы артмагъын алма да, алгъышын ал.
- Джырчы джырчыгъа – къарнаш.
- Адамны джюреги нени кёрюрге сюйсе, кёзю да аны кёрюрге ёч болады.
- Къыйынлы джети элге оноу этер.
- Аманнга да, игиге да оноусуз къатышма.
- Дуния мал дунияда къалады.
- Къоркъакъны кёзю экили кёрюр.
- Ата – билек, ана – джюрек!
- Билген билмегенни юретген адетди.
- «Ма», - дегенни билмесенг, «бер», - дегенни билмезсе.
- Тойгъан джерге джети къайт.
- Джигер – джаннга къыйынлыкъ.
- Орундукъ тюбюнде атылсам да, орта джиликме, де да айлан.
- Сагъышы джокъ – джукъучу, акъылы джокъ – къаугъачы.
- Урама да – ёледи, сатама да – келеди.
- Уллу сёзде уят джокъ.
- Сёлеш деб шай берген, тохта деб, сом берген.
- Кёбден умут этиб, аздан къуру къалма.
- Билимсиз иш бармаз.
- Керек ташны ауурлугъу джокъ.
- Ойнай-ойнай кёз чыгъар.
- Юй кюйдю да, кюйюз чыкъды, ортасындан тюйюш чыкъды.
- Сакъламагъан затынга джолукъсанг, не бек къууанаса, не бек ачыйса.
- Эл бла кёргенинг эрелей.
- Суу ичген шауданынга тюкюрме.
- Тешик этген тынчды, аны джамагъан къыйынды.
- Ариу сёз аурууунгу алыр.
- Аз сёлешген, къайгъысыз турур.
- Накъырданы арты керти болур.
- Таукелге нюр джауар.
- Ауругъаннга – кийик саулукъ, джетген къызгъа – чилле джаулукъ.
- Ауузу аманнга «иги», деме.
- Ашхы тенг джолгъа салыр, аман тенг джолдан тайдырыр.
- Тынгылагъан тынгы бузар.
- Билим къая тешер.
- Ётюрюкню башын керти кесер.
- Ачлыкъда тары гырджын халыуадан татлы.
- Сёз сёзню айтдырыр.
- Чомартха Тейри да борчлуду.
- Джарлы тюеге минсе да, ит къабар.
- Ёксюзню къалачы уллу кёрюнюр.
- Джылыгъа джылан илешир.
- Акъылсызны джууукъгъа алма, акъыллыны кенгнге салма.
- Ат басханны джер билед.
- Ашарыкъда сайлагъаннга – чий гырджын.
- Ата джурт – алтын бешик.
Профиль
|
|
|||