- Аман адам элни бир-бирине джау этер.
- Юйюнг бла джау болгъандан эсе, элинг бла джау бол.
- Къобан да къуру да къобханлай турмайды, адам да къуру да патчахлай турмайды.
- Билимли ёлмез, билимсиз кёрмез.
- Эр абынмай, эл танымаз.
- Акъыл аздырмаз, билим тоздурмаз.
- Рысхы джалгъанды: келген да этер, кетген да этер.
- Эри аманны, къатыны – аман.
- Артына баргъанны, къатына барма.
- Тилчиден кери бол.
- Сёлеш деб шай берген, тохта деб, сом берген.
- Ауузу бла къуш тута айланады.
- Чалманны аллы къалай башланса, арты да алай барады.
- Акъыл къартда, джашда тюйюлдю – башдады.
- Билмейме деген – бир сёз
- Чабакъсыз кёлге къармакъ салгъанлыкъгъа, чабакъ тутмазса.
- Босагъагъа джууукъ орун болса, ашыгъыб тёрге озма.
- Къазанчы аман болса, къазаны къайнамаз.
- Суугъа – таянма, джаугъа – ийнанма.
- Эркишини аманы тиширыуну джылатыр.
- Эртде тургъан джылкъычыны эркек аты тай табар.
- Адам туугъан джеринде, ит тойгъан джеринде.
- Сабийликде юретмесенг, уллу болса – тюзелмез.
- Аман эсирсе, юйюн ояр.
- Игилик игилик бла сингдирилиучю затды.
- Сютню башын джалагъан къутулур, тюбюн ичген тутулур.
- Тойгъандан сора, ашны сёкме.
- Алма терегинден кери кетмез.
- Ышармагъан – кюлмез, кюлмеген – къууанчны билмез.
- Аман адамны тепсинге олтуртсанг, къызынгы тилер.
- «Ма», - дегенни билмесенг, «бер», - дегенни билмезсе.
- Чомартны къолу берекет.
- Ёлген эшек бёрюден къоркъмайды.
- Таякъ этден ётер, тил сюекден ётер.
- Ашаса, ашамаса да, бёрюню ауузу – къан.
- Рысхысына кёре, джаш ёсер, къышлыгъына кёре, мал ёсер.
- Къызбайны юйюне дери сюрсенг, батыр болур.
- Махтаннган къыз, тойда джукълар.
- Сыфатында болмагъаны, суратында болмаз.
- Ариуну – ауруу кёб.
- Джаз бир кюнню джатсанг, къыш талай кюнню абынырса.
- Тулпарлыкъ, билекден тюл – джюрекден.
- Тешигини къатында, чычхан да батыр болур.
- Бюгюн дуния кибик, тамбла ахыратды.
- Кийимни бичсенг, кенг бич, тар этген къыйын тюлдю.
- Ата джурт – алтын бешик.
- Иги сёз – джаннга азыкъ, аман сёз башха – къазыкъ.
- Уллу суу бла уллу ауруудан башынгы сакъла.
- Атынг аманнга чыкъгъандан эсе, джанынг тамагъынгдан чыкъсын.
- Бозанг болмагъан джерге, къалагъынгы сукъма.
Профиль
|
|
|||