- Эки къатын алгъанны къулагъы тынгнгаймаз.
- Аш кетер да бет къалыр.
- Туз, гырджын аша, тюзлюк бла джаша.
- Рысхысына кёре, джаш ёсер, къышлыгъына кёре, мал ёсер.
- Къазанчы аман болса, къазаны къайнамаз.
- Эринчекни аурууу – кёб.
- Илму – джашауну джолу.
- Ашха уста, юйюнде болсун
- Ач, тоймам, дейди, тойгъан, ач болмам, дейди.
- Чакъырылмагъан джерге барма, чакъырылгъан джерден къалма.
- Кёб джат да, бек чаб.
- Азыкълы ат арымаз, къатыны аман джарымаз.
- Игини сыйлагъан адетди.
- Ауузу аманнга «иги», деме.
- Керилген да, ургъан кибикди.
- Гугук кесини атын айтыб къычыргъанча, мен, мен деб нек тураса?
- Атадан ёксюз – бир ёксюз, анадан ёксюз – эки ёксюз.
- Джашны джигитлиги сорулур, къызны джигерлиги сорулур.
- Сютню башын джалагъан къутулур, тюбюн ичген тутулур.
- Джангыз торгъай джырламаз.
- Аманны къуугъан, аманлыкъ табар.
- Келинин тута билмеген, къул этер, къызын тута билмеген, тул этер.
- Къыйынлы джети элни къайгъысын этер.
- Адамны адамлыгъы къыйынлыкъда айгъакъланады.
- Кесинг сынамагъан затны, адамгъа буюрма.
- Ёмюрлюк шохлукъну джел элтмез.
- Аман къатын алгъан, арыр, иги къатын алгъан джарыр.
- Къарнынг бла ёч алма.
- Ашаса, ашамаса да, бёрюню ауузу – къан.
- Юйюнг бла джау болгъандан эсе, элинг бла джау бол.
- Мал ёлсе, сюек къалыр, адам ёлсе, иши къалыр.
- Ана къолу ачытмаз.
- Уллу суу бла уллу ауруудан башынгы сакъла.
- Ата Джуртуму башы болмасам да, босагъасында ташы болайым.
- Айраннга суу къош, телиге джол бош.
- Махтаннган къыз, тойда джукълар.
- Сабийни джумушха джибер да, ызындан бар.
- Джырына кёре эжиую.
- Эр абынмай, эл танымаз.
- Этни бети бла шорпасы.
- Сёз сёзню айтдырыр.
- Ариу сёз – джаннга азыкъ, аман сёз – башха къазыкъ.
- Арбаз сайлама да, хоншу сайла.
- Ач къарным, тынч къулагъым.
- Акъдан къара болмаз.
- Алим болгъандан эсе, адам болгъан къыйынды.
- Экеулен сёлеше тура эселе, орталарына барыб кирме.
- Тилде сюек болмаса да, сюек сындырыр.
- Биреуню къыйынлыгъы бла кесинге джол ишлеме.
- Ётюрюк хапар аякъ тюбю бла джюрюйдю.
Профиль
|
|
|||