- Таш ата билмеген, башына урур.
- Эшекге миннген – биринчи айыб, андан джыгъылгъан – экинчи айыб.
- Ишин билген, аны сыйын чыгъарады.
- Айыбны суу бла джууалмазса.
- Нафысынгы айтханын этме, намысынгы айтханын эт.
- Сёз къанатсыз учар.
- Кёбню кёрген – кёб билир.
- Ата Джуртун танымагъан, атасын да танымаз.
- Ётюрюкчюню шагъаты – къатында.
- Башынга джетмегенни сорма.
- Сакъалы текени да бар, мыйыгъы киштикни да бар.
- Илму – джашауну джолу.
- Иги адам абынса да, джангылмаз.
- Суу ичген шауданынга тюкюрме.
- Иги джашны ышаны – аз сёлешиб, кёб тынгылар.
- Алтыда кюлмеген, алтмышда кюлмез.
- Адамны аманы адамны бети бла ойнар.
- Сёз сёзню айтдырыр.
- Гырджын – тепсини тамадасы.
- Джан саулукъ бермей, сан саулукъ бермезсе.
- Уллу къазанда бишген эт, чий къалмаз.
- Элге къуллукъ этмеген, элге ие болмаз.
- Сагъышы джокъ – джукъучу, акъылы джокъ – къаугъачы.
- Кёзюнде тереги болгъан, чёбю болгъаннга кюле эди.
- Босагъагъа джууукъ орун болса, ашыгъыб тёрге озма.
- Иги – алгъыш этер, аман – къаргъыш этер.
- Айырылгъанланы айю ашар, бёлюннгенлени бёрю ашар.
- Абынмазлыкъ аякъ джокъ, джангылмазлыкъ джаякъ джокъ.
- Ёлген ийнек сютлю болур.
- Кюн – узун, ёмюр – къысха.
- Бир абыннган – минг сюрюнюр.
- Чомартха Тейри да борчлуду.
- Гугук кесини атын айтыб къычыргъанча, мен, мен деб нек тураса?
- Бал чибинни ургъаны – ачы, балы – татлы.
- Аман киши кеси юйюнде – къонакъ.
- Мураты болгъанны джюрек тебюую башхады.
- Къызны минг тилер, бир алыр.
- Бермеген къол, алмайды.
- Байма, деб да, къууанма, джарлыма, деб да, джылама.
- Къууут – джелге, берне – бошха.
- Къая джолда джортма, ачыкъ сёзден къоркъма.
- Башланнган иш битер, къымылдагъан тиш тюшер.
- Ёгюзню мюйюзюнден тутадыла, адамны сёзюнден тутадыла.
- Атынг аманнга чыкъгъандан эсе, джанынг тамагъынгдан чыкъсын.
- Ата Джуртуму башы болмасам да, босагъасында ташы болайым.
- Мал тутхан – май джалар.
- Тура эдим джата, къайдан чыкъды хата?
- Къайгъыны сюйген, къайгъы табар.
- Ёзденликни кёбю ётюрюк.
- Джырына кёре эжиую.
Профиль
|
|
|||