- Этек чакъмакълары баш джаргъан, сёлешген сёзлери таш джаргъан.
- Мал ёлсе, сюек къалыр, адам ёлсе, иши къалыр.
- Сормай – алма, чакъырылмай – барма.
- Магъанасыз сёз – тауушсуз сыбызгъы.
- Джарлыны тону джаз битер.
- Ёзденликни джайгъан – джокълукъ.
- Накъырда – кертини келечиси.
- Абынмазлыкъ аякъ джокъ, джангылмазлыкъ джаякъ джокъ.
- Билимсиз иш бармаз.
- Тешигини къатында, чычхан да батыр болур.
- Ойнай-ойнай кёз чыгъар.
- Терек ауса, отунчу – кёб.
- Мал тутхан – май джалар.
- От кюйдюрген, сау болса да, тот кюйдюрген, сау болмаз.
- Минг тенг да азды, бир джау да кёбдю.
- Ана – юйню кюн джарыгъы.
- Къонакъ кёб келюучю юйню, къазаны отдан тюшмез.
- Джолунга кёре – джюрюшюнг, джагъанга кёре – юлюшюнг.
- Хата – гитчеден.
- Эки къатын алгъанны къулагъы тынгнгаймаз.
- Эрине къаргъыш этген къатын, эрнин къабар.
- Биреуге аманлыкъны тилеме да, кесинге ашхылыкъны тиле.
- Джыйырма къойну юч джыйырма эбзе кюте эди.
- Аш хазыр болса, иш харам болур.
- Тынгылагъан тынгы бузар.
- Къуллукъчума, деб махтанма, къуллукъ – хаух джамчыды!
- Бойнуму джети джерден кессенг да, мен ол ишни этеллик тюлме.
- Алма терегинден кери кетмез.
- Билмейме деген – бир сёз
- Аманны къуугъан, аманлыкъ табар.
- Джаз бир кюнню джатсанг, къыш талай кюнню абынырса.
- Эрни эр этерик да, къара джер этерик да, тиширыуду.
- Ауругъан – джашаудан умутчу.
- Къатын къылыкъсыз, эр тынчлыкъсыз.
- Чомарт бергенин айтмаз.
- Чакъырылмагъан къонакъ – орунсуз.
- Аууздан келген, къолдан келсе, ким да патчах болур эди.
- Кюлме джашха – келир башха.
- Иши джокъну, сыйы джокъ.
- Чомартха хар кюн да байрамды.
- Аз сёлеш, кёб ишле.
- Азыгъы аз, алгъа къабар, аты аман, алгъа чабар.
- Тойгъандан сора, ашны сёкме.
- Татлы тилде – сёз ариу, чемер къолда – иш ариу.
- Иги адамны бир сёзю эки болмаз.
- Уллу айтханны этмеген – уллаймаз.
- Къайтырыкъ эшигинги, къаты уруб чыкъма.
- Джиби бир къат джетмей эди да, эки къат тарта эди.
- Биреуге аманлыкъ этиб, кесинге игилик табмазса.
- Экиндини кеч къылсанг, чабыб джетер ашхам.
Профиль
|
|
|
|||