- Ёксюзню тилеги къабыл болур.
- Хар адамгъа кеси миннген тау кибик.
- Сёз – кюмюш, джыр – алтын.
- Акъылсызны джууукъгъа алма, акъыллыны кенгнге салма.
- Эллинг бла джау болсанг да, юйюнг бла джау болма.
- Эшекни не къадар тюйсенг да, ат болмаз.
- Суу ичген шауданынга тюкюрме.
- Эшекге миннген – биринчи айыб, андан джыгъылгъан – экинчи айыб.
- Ургъан суудан башынгы сакъла.
- Насыблы элин сюер, насыбсыз кесин сюер.
- Дууулдаса – бал чибин, къонса – къара чибин.
- Керилген да, ургъан кибикди.
- Бойнуму джети джерден кессенг да, мен ол ишни этеллик тюлме.
- Джахил болса анасы, не билликди баласы?
- Бозанг болмагъан джерге, къалагъынгы сукъма.
- Суугъа – чабакъ, къаягъа – ыргъакъ.
- Джогъун бар этген, барын бал этген.
- Адамны сыфатына къарама, сёзюне къара.
- Биреуню къыйынлыгъы бла кесинге джол ишлеме.
- Тин – байлыгъынг, терен саулугъунг.
- Мени джылытмагъан кюн, меннге тиймесин!
- Юйюнг бла джау болгъандан эсе, элинг бла джау бол.
- Къайгъыны сюйген, къайгъы табар.
- Эм уллу байлыкъ – джан саулукъ.
- Тик ёргени, тик энгишгеси да болады.
- Нарт сёз къарт болмаз.
- Къарыусузгъа кюлме, онгсузгъа тийме.
- Суу да къайтады чыкъгъан джерине.
- Ат басханны джер билед.
- Бети – къучакълар, джюреги – бычакълар.
- Ёлюр джаннга, ёкюл джокъ.
- Терслик кетер, тюзлюк джетер.
- Адеб этмеген, адеб кёрмез.
- Эркиши – от, тиширыу – суу.
- Аджал соруб келмез, келсе, къайтыб кетмез.
- Ана къолу ачытмаз.
- Телини эшигин, махтау джабар.
- Келинин тута билмеген, къул этер, къызын тута билмеген, тул этер.
- Тойну къарнашы – харс, джырны къарнашы – эжиу.
- Ат да турмайды бир териде.
- Асхат ашлыкъ сата, юйдегиси ачдан къата.
- Атлыны кёрсе, джаяуну буту талыр.
- Тил бла келеди джыр да.
- Уруну арты – къуру.
- Телиге от эт десенг, юйюнге от салыр.
- Сабийни джумушха джибер да, ызындан бар.
- Къая джолда джортма, ачыкъ сёзден къоркъма.
- Баланы адам этген анады.
- Ауругъаннга – кийик саулукъ, джетген къызгъа – чилле джаулукъ.
- Джаханимни кёрмей, джандетге кёл салмазса.
Профиль
|
|
|||