Эльбрусоид :: Форум

Эл ауузу – элия.
Аз айтсам, кёб ангылагъыз.
Джетген къыз джерли эшекни танымаз.
Кечеси – аяз, кюню – къыш, джарлы къаргъагъа бир аш тюш!
Аллахха ийнаннган кишини, Аллах онгдурур ишин.
Кесине гебен этелмеген, биреуге черен эте эди.
Намыс сатылыб алынмайды.
Акъыллы эркиши атын махтар, акъылсыз эркиши къатынын махтар.
Эки къатын алгъанны къулагъы тынгнгаймаз.
Хар ишни да аллы къыйынды.
Юре билмеген ит, къонакъ келтирир.
Атадан ёксюз – бир ёксюз, анадан ёксюз – эки ёксюз.
Оюмсуз атлагъан, аджалсыз ёлюр.
Ашлыкъ – бюртюкден, джюн – тюкден.
Сакъ юйюне сау барыр.
Аууздан келген, къолдан келсе, ким да патчах болур эди.
Сибиртки да сыйлы болду, кюрек да кюнлю болду.
Аджаллыгъа окъсуз шкок атылыр.
Арбаз къынгырды да, ийнек сауалмайма.
Босагъагъа джууукъ орун болса, ашыгъыб тёрге озма.
Тойгъан антын унутур.
Кюн кёрмеген, кюн кёрсе, кюндюз чыракъ джандырыр.
Суугъа – таянма, джаугъа – ийнанма.
Къулакъдан эсе, кёзге ышан.
Эте билген, этген этеди, эте билмеген, юретген этеди!
Тас болгъан бычакъны сабы – алтын.
Биреу къой излей, биреу той излей.
Тил джюрекге джол ишлейди.
Бетинги сатма, малынгы сат.
Акъыллы башны – тили къысха.
Сёз – кюмюш, джыр – алтын.
Адамны аты башхача, акъылы да башхады.
Таукел тауну аудурур.
Мухардан ач ычхынмаз.
Бек анасы джыламаз.
Къарнынг тойгъунчу аша да, белинг талгъынчы ишле.
Билим ат болуб да чабар, къуш болуб да учар.
Кёл ашады да, кеси ашады.
Айраннга суу къош, телиге джол бош.
Джыгъылгъанны сырты джерден тоймаз.
Байлыкъ адамны сокъур этер.
Нарт сёз къарт болмаз.
Акъыллы айтыр эди, акъылсыз къоймайды.
Юй кюйдю да, кюйюз чыкъды, ортасындан тюйюш чыкъды.
Кийиминг бла танылма, адамлыкъ бла таныл.
Нафысынгы айтханын этме, намысынгы айтханын эт.
Ачылгъан эт джабылыр, кёрген кёз унутмаз.
Мураты болгъанны джюрек тебюую башхады.
Къарын къуру болса, джюрек уру болур.
Харам къарнашдан, халал тенг ашхы.

Логин:
Пароль:
	Запомнить меня на этом компьютере

Забыли свой пароль?
Регистрация