- Айранны сюйген, ийнек тутар.
- Ашхы сёз таш тешер.
- Эркишиге тары кебек танг кёрюнюр.
- Баш – акъыл ючюн, акъылман – халкъ ючюн.
- Телиге от эт десенг, юйюнге от салыр.
- Адеби болмагъан къыз – тузсуз хант.
- Чакъырылмагъан къонакъ тёрге атламаз.
- Халкъгъа джарагъан, джарлы къалмаз.
- Дуния аламаты сен эсенг да, игиме деб айтма.
- Ашаса, ашамаса да, бёрюню ауузу – къан.
- От этилмеген джерден тютюн чыкъмайды.
- Сибиртки да сыйлы болду, кюрек да кюнлю болду.
- Нёгерсизни джолу узун.
- Къыйынлы джети элни къайгъысын этер.
- Кесинг сынамагъан затны, адамгъа буюрма.
- Ат басханны джер билед.
- Керти сёзге тёре джокъ.
- Ханы къызы буюгъа-буюгъа киштик болду.
- Тюкюрюк баш джармаз, налат кёз чыгъармаз!
- Къоркъакъны кёзю экили кёрюр.
- Адебни адебсизден юрен.
- Таукел тауну аудурур.
- Аякъларынгы джууургъанынга кёре узат.
- Эр абынмай, эл танымаз.
- Керилген да, ургъан кибикди.
- Джолда аягъынга сакъ бол, ушакъда тилинге сакъ бол.
- Ышармагъан – кюлмез, кюлмеген – къууанчны билмез.
- Акъдан къара болмаз.
- Джол бла сёзню къыйыры джокъ.
- Ургъан суудан башынгы сакъла.
- Ана кёлю – балада, бала кёлю – талада.
- Эл тойса, тоймагъан, эл къойса, къоймагъан.
- Сагъыш – къартлыкъгъа сюйюмчю.
- Джуртун къоругъан озар.
- Арыгъан къош чамчы болур.
- Къарыусузгъа кюлме, онгсузгъа тийме.
- Мухар, кеси тойса да, кёзю тоймаз.
- Тёрени джагъы джокъ.
- Ашхылыкъ джерде джатмайды, аманлыкъ суугъа батмайды.
- Кёз – сюйген джерде, къол – ауругъан джерде.
- «Ёгюз, джаргъа джууукъ барма, меннге джюк боллукъса», - дегенди эшек.
- Сёз къанатсыз учар.
- Къайгъы тюбю – тенгиз.
- Къарнынг къанлынга кийирир.
- Билими азны – ауузунда кирит.
- Агъач халкъгъа алтынды, иссиликге салкъынды.
- Джолунга кёре – джюрюшюнг, джагъанга кёре – юлюшюнг.
- Ишни ахырын ойламай, аллын башлама.
- Мен да «сен», дейме, сен да «кесим», дейсе.
- Кюн – узун, ёмюр – къысха.
Профиль
|
|
|
|||